Aprende liuhusi dezeñu no foto sira

Ita-nia publikasaun sira nakonu ho dezeñu no foto sira neʼebé hanorin ita pontu importante. Oinsá mak Ita bele hetan benefísiu liuhusi buat sira-neʼe?

• Haree ba dezeñu ka foto sira antes lee informasaun. Dezeñu sira bele halo Ita kuriozu no motiva Ita atu lee informasaun. Bainhira Ita haree hahán gostu, Ita hakarak han hahán neʼe. Tan neʼe, antes lee informasaun ruma, husu Ita-nia an: ‘Haʼu haree saida?’—Amós 7:​7, 8.

• Nuʼudar Ita lee informasaun ruma, hanoin kona-ba tanbasá dezeñu ka foto neʼe iha. Lee liafuan iha dezeñu nia okos ka esplikasaun ba dezeñu. Hanoin kona-ba ligasaun entre dezeñu ho parágrafu, no oinsá Ita bele aplika iha Ita-nia moris.

• Depois lee tiha, uza dezeñu ka foto atu haree fali pontu importante husi informasaun. Tuirmai, taka Ita-nia matan no koko hanoin fali kona-ba dezeñu ka foto sira, no saida mak Ita bele aprende.

• Haree fali ba dezeñu no foto sira iha revista neʼe, no haree se Ita bele hanoin-hetan pontu neʼebé Ita aprende ka lae.