Watchtower BIBLIOTEKA ONLINE
Watchtower
BIBLIOTEKA ONLINE
Tetun Dili
Á
  • Á
  • á
  • É
  • é
  • Í
  • í
  • Ó
  • ó
  • Ú
  • ú
  • Ã
  • ã
  • Ç
  • ç
  • Ñ
  • ñ
  • ʼ
  • BÍBLIA
  • LIVRU SIRA
  • REUNIAUN SIRA
  • w15 1/7 p. 4-7
  • Programa estuda Bíblia ba ema hotu

La iha video neʼebé bele loke.

Deskulpa, la bele loke vídeo.

  • Programa estuda Bíblia ba ema hotu
  • Livru Haklaken fó sai Maromak Jeová nia Ukun—2015
  • Subtítulu
  • Informasaun seluk neʼebé hanesan
  • PERGUNTA SIRA NEʼEBÉ BAIBAIN EMA HUSU KONA-BA PROGRAMA ESTUDA BÍBLIA
  • Kursu Bíblia hanesan saida mak Testemuña ba Jeová oferese?
    Pergunta sira neʼebé baibain ema husu kona-ba Testemuña ba Jeová
  • Husi neʼebé mak ita bele hetan resposta ba pergunta sira kona-ba moris?
    Husi neʼebé mak ita bele hetan resposta ba pergunta sira kona-ba moris?
  • Ita gosta informasaun neʼebé Ita aprende ka lae?
    Moris Haksolok ba Nafatin—Introdusaun ba Kursu Bíblia
  • Ita hakarak atu hatene liu kona-ba Bíblia?
    Ita hakarak atu hatene liu kona-ba Bíblia?
Haree barak liután
Livru Haklaken fó sai Maromak Jeová nia Ukun—2015
w15 1/7 p. 4-7

INFORMASAUN IHA OIN | TANSÁ ESTUDA BÍBLIA?

Programa estuda Bíblia ba ema hotu

Ema barak hatene ami Testemuña ba Jeová mak nuʼudar organizasaun ida neʼebé haklaken liafuan diʼak husi uma ba uma ka iha fatin públiku. Maibé Ita-Boot hatene ona ka lae, ami mós halaʼo tan programa estuda Bíblia iha mundu tomak?

Iha tinan 2014, Testemuña ba Jeová naʼin-8.000.000 liu iha rai hamutuk 240 mak halaʼo estuda Bíblia besik 9.500.000.a Loos duni, ema neʼebé estuda Bíblia ho Testemuña ba Jeová barak tebetebes!

Atubele halaʼo programa estuda Bíblia neʼe, Testemuña ba Jeová halo livru, Bíblia, revista sira, no buat seluk tan hamutuk 1.500.000.000 tinan-tinan iha língua hamutuk maizumenus 700! Ida-neʼe ajuda duni ema barak atu estuda Bíblia iha sira ida-idak nia língua rasik.

“Uluk haʼu mak ema neʼebé la gosta estuda iha eskola, maibé estuda Bíblia mak furak loos. Buat neʼebé haʼu aprende halo haʼu sente kmaan tebes!”—Katlego, rai-Áfrika Súl.

“Liuhusi estuda Bíblia, haʼu hetan ona resposta ba haʼu-nia pergunta hotu kona-ba moris no mós pergunta seluk tan.”—Berta, rai-Méxiku.

“Estudu Bíblia neʼe halaʼo iha haʼu-nia uma tuir oras neʼebé diʼak ba haʼu. Neʼe halo haʼu kontente tebes!”—Eziquiel, rai-Brazílv.

“Dala ruma ami estuda ba minutu 15 toʼo 30, maibé dala ruma ami mós estuda kleur uitoan, neʼe depende deʼit ba haʼu-nia situasaun.”—Viniana, rai-Austrália.

“Estuda Bíblia neʼe la selu, neʼe mak buat ida neʼebé furak loos!”—Aimé, rai-Benín.

“Mestra neʼebé hanorin Bíblia mai haʼu mak pasiénsia-naʼin no laran-diʼak. Ami naʼin-rua sai belun diʼak loos.”—Karen, rai-Irlanda Norte.

“Ema barak mak estuda Bíblia maski sira la sai Testemuña ba Jeová.”—Denton, rai-Inglaterra.

PERGUNTA SIRA NEʼEBÉ BAIBAIN EMA HUSU KONA-BA PROGRAMA ESTUDA BÍBLIA

Estuda Bíblia neʼe halaʼo oinsá?

Ami halaʼo estuda Bíblia tuir tópiku ida-idak, no lee eskritura balu atubele komprende kona-ba tópiku sira-neʼe. Porezemplu, Bíblia fó resposta ba pergunta sira hanesan: Sé mak Maromak? Maromak neʼe hanesan saida? Nia iha naran ka lae? Nia hela iha neʼebé? Ita bele hakbesik ba Maromak ka lae? Maibé, susar liu ba ema hotu mak atu loke eskritura neʼebé bele fó resposta ho loloos ba pergunta sira-neʼe.

Atu ajuda ema hetan resposta, baibain ami uza livru ida ho títulu Tuir Loloos, Saida mak Bíblia Hanorin?b Livru neʼe ajuda ema atu hatene Bíblia nia hanorin sira neʼebé importante tebes. Livru neʼe mós esplika kona-ba tópiku oioin hanesan Maromak, Jesus Kristu, ema nia susar no terus, moris-hiʼas, orasaun, no tópiku seluk tan.

Estuda neʼe sei halaʼo iha sá oras? No iha neʼebé?

Ami halaʼo estuda neʼe iha oras no fatin neʼebé diʼak tuir Ita-Boot nia situasaun.

Estuda neʼe han oras hira?

Ema barak hakarak estuda ho ami semana ida oras ida. Maibé neʼe konforme ba ema ida-idak nia situasaun se hakarak estuda badak deʼit ka liu oras ida. Ema balu estuda ba minutu 10 ka 15 deʼit semana-semana.

Estuda neʼe tenke selu hira?

Estuda no livru hotu gratuitu deʼit. Ami hakarak halo tuir Jesus nia liafuan ba ninia dixípulu sira, dehan: “Imi simu la selu, fó mós hodi la hein atu ema selu imi.”—Mateus 10:8.

Estuda Bíblia neʼe sei halaʼo toʼo bainhira?

Neʼe mós konforme ba Ita-Boot nia hakarak. Livru Tuir Loloos, Saida mak Bíblia Hanorin? iha kapítulu 19, maibé neʼe la dehan katak Ita tenke estuda kapítulu hotu. Ema balu gosta estuda neineik uitoan, ema seluk gosta estuda lalais liu, tuir ema ida-idak nia hakarak.

Estuda Bíblia katak haʼu tenke sai Testemuña ba Jeová ka lae?

Lae. Ami respeitu ema ida-idak nia direitu atu hili sira-nia fiar rasik. Ami ajuda deʼit ema atu hatene buat neʼebé Bíblia hanorin, depois ema ida-idak mak bele hili rasik.

Oinsá mak haʼu bele hatene liután kona-ba Testemuña ba Jeová?

Loke ami-nia sítiu ofisiál www.jw.org atubele hatene liután kona-ba ami-nia fiar no atividade sira.

Oinsá haʼu bele husu atu estuda Bíblia?

  • Loke www.jw.org, prenxe formuláriu atu husu estuda Bíblia no haruka ba ami.

  • Hakerek karta ba ami-nia eskritóriu ida. Haree ami-nia eskritóriu nia diresaun iha pájina 2 iha livru ida-neʼe.

  • Hakbesik no husu ba Testemuña ba Jeová ida neʼebé Ita koñese ona, ka vizita ami-nia reuniaun-fatin.

a Baibain halaʼo estuda Bíblia neʼe hamutuk ho ema ida deʼit, ka dala ruma ho ema grupu kiʼik.

b Livru neʼe husi Testemuña ba Jeová. Ami halo ona livru neʼe hamutuk 230.000.000 liu iha língua hamutuk 260 liu.

AJUDA BA FAMÍLIA SIRA

“Bainhira haʼu-nia feen komesa estuda Bíblia, haʼu haree nia troka ninia hahalok, no ami-nia moris família nian mós sai diʼak liután. Ida-neʼe halo haʼu hakarak buka-hatene buat neʼebé nia aprende, no haʼu komesa estuda Bíblia. Ikusmai haʼu mós hadiʼa haʼu-nia hahalok. Estuda Bíblia halo ami-nia moris família sai metin liután.”​—Eziquiel.

“Bainhira haʼu komesa estuda Bíblia, haʼu la uza tan droga, la hemu-lanu tan, no haʼu mós aprende kontrola haʼu-nia hirus. Haʼu-nia uma sai moos no la runguranga tan. Agora haʼu hafolin liután haʼu-nia família no hanoin liu atu halo kontente sira. Haʼu-nia moris haksolok loos.”​—Karen.

“Ema balu koʼalia aat tanba haʼu estuda Bíblia. Maibé haʼu-nia la’en apoia haʼu, nia dehan: ‘Haʼu la interese ba buat neʼebé ema seluk hatete. Haʼu kontente haree ó hadiʼa liután ó-nia hahalok, neʼe mak importante ba haʼu. Ó kontinua estuda deʼit.’ Ikusmai, ami-nia moris família nian sai diʼak tebes!”​—Viniana.

    Livru sira iha lian Tetun Dili (1993-2025)
    Log Out
    Log In
    • Tetun Dili
    • Fahe
    • Organiza tuir Ita-nia hakarak
    • Copyright © 2025 Watch Tower Bible and Tract Society of Pennsylvania
    • Kondisaun atu Uza
    • Informasaun Privadu
    • Setting kona-ba privasidade
    • JW.ORG
    • Log In
    Fahe