Saida mak Bíblia hanorin?
Saida mak Maromak nia Reinu?
EMA BALU FIAR katak neʼe mak kondisaun ida iha ema nia laran. Balu tan hanoin katak neʼe mak kona-ba ita ema neʼebé hakaʼas an atu lori dame no unidade iha mundu tomak. Oinsá ho Ita?
SAIDA MAK BÍBLIA HATETE?
“Maromak iha lalehan sei harii ukun ida neʼebé sei nunka lakon. . . . Ukun neʼe sei harahun no halakon [ema nia] ukun sira-neʼe hotu.” (Daniel 2:44) Tuir loloos, Maromak nia Reinu mak governu ida.
SAIDA TAN MAK BÍBLIA HANORIN?
Maromak nia governu neʼe ukun husi lalehan.—Mateus 10:7; Lucas 10:9.
Liuhusi governu neʼe mak Maromak sei kumpre ninia hakarak ba lalehan no rai.—Mateus 6:10.
Bainhira loos mak Maromak nia Reinu sei toʼo mai mundu?
TUIR ITA-NIA HANOIN?
La iha ema ida mak hatene
Lakleur tan
Sei nunka mai
SAIDA MAK BÍBLIA HATETE?
“Ema sei haklaken liafuan diʼak kona-ba Maromak nia Ukun iha mundu tomak nuʼudar sasin ba nasaun hotu, no depois neʼe mundu nia rohan sei mai.” (Mateus 24:14) Bainhira ema haklaken liafuan diʼak ho kompletu ona, Maromak nia Reinu sei toʼo mai hodi halakon buat aat hotu iha mundu neʼe.
SAIDA TAN MAK BÍBLIA HANORIN?
La iha ema ida mak hatene ho loloos bainhira mak Maromak nia Reinu sei mai.—Mateus 24:36.
Bíblia nia profesia sira hatudu katak lakleur tan Maromak nia Reinu sei toʼo mai duni.—Mateus 24:3, 7, 12.