Saida mak Bíblia hanorin?
Maromak hatán orasaun hotu ka lae?
TUIR ITA-NIA HANOIN, NIA SEI . . .
hatán orasaun husi ema hotu
hatán orasaun husi ema balu
nunka hatán orasaun
SAIDA MAK BÍBLIA HATETE?
“Jeová besik ba sira hotu neʼebé . . . bolu nia tuir lia-loos.”—Salmo (Mazmur) 145:18.
SAIDA TAN MAK BÍBLIA HANORIN?
Maromak la simu orasaun husi ema neʼebé kontra hasoru nia. (Isaías [Yesaya] 1:15) Maibé sira mós bele hakbesik ba Maromak se sira troka sira-nia hahalok.—Isaías (Yesaya) 1:18.
Atu Maromak bele hatán ita-nia orasaun, ita presiza husu buat neʼebé tuir Ninia hakarak.—1 João 5:14.
Atu halo orasaun, ita presiza hakneʼak no hakruʼuk ka lae?
EMA BALU FIAR katak sira tenkesér hakneʼak, hakruʼuk no taka liman. Ita hanoin oinsá?
SAIDA MAK BÍBLIA HATETE?
Maromak simu ona orasaun sira neʼebé ema halo ho “tuur”, “hamriik”, “latan an ba rai” no mós “hakneʼak”. (1 Crônicas [Tawarikh] 17:16; 2 Crônicas 30:27; Esdras [Ezra] 10:1; Apóstolu 9:40) Maromak simu orasaun neʼebé ita halo ho laran maski ita hamriik ka tuur deʼit.
SAIDA TAN MAK BÍBLIA HANORIN?
Maromak rona orasaun husi ema neʼebé haraik-an.—Salmo (Mazmur) 138:6.
Ita bele halo orasaun iha língua naran deʼit no mós iha ita-nia laran.—2 Crônicas (Tawarikh) 6:32, 33; Neemias 2:1-6.