“Ema laran-maus sei simu rai nuʼudar sira-nian”
Ita barak haree ona hahalok la justisa no ema aat sira hanehan ema seluk. Loron ida hahalok la justisa no hahalok aat sei lakon ka lae?
Salmo 37 husi Bíblia fó resposta no matadalan ba ita. Haree toʼok pergunta tuirmai.
Saida mak ita bele halo ba ema neʼebé haterus ita?—Versíkulu 1, 2.
Saida mak sei akontese ba ema aat sira?—Versíkulu 10.
Saida mak sei akontese ba ema laran-loos sira?—Versíkulu 11, 29.
Saida mak ita bele halo agora?—Versíkulu 34.
Maromak nia Liafuan iha Salmo 37 hatudu katak ema neʼebé “tau esperansa ba Jeová no laʼo tuir ninia dalan sira” mak sei hetan futuru kapás. Testemuña ba Jeová kontente atu estuda Bíblia ho Ita no hatudu oinsá Ita no Ita-nia família bele hetan futuru neʼebé diʼak.