Ita bele hili Ita-nia futuru

Maizumenus tinan 3.500 liubá, Maromak Jeová hatete ba ninia povu kona-ba buat neʼebé sira tenke halo atu bele iha futuru neʼebé diʼak: “Haʼu tau moris no mate, bensaun no malisan iha imi-nia oin; no imi tenke hili moris atu nuneʼe imi bele moris, imi no imi-nia bei-oan sira.”—Deuteronómio 30:19.

Iha tempu neʼebá Maromak nia povu presiza halo desizaun neʼebé loos atu bele hetan futuru neʼebé diʼak. Hanesan neʼe mós ho ita ohin loron. Bíblia esplika oinsá mak ita bele hili futuru neʼebé diʼak, neʼe mak ‘hodi hadomi Jeová, ita-nia Maromak, no rona ba ninia liafuan’.—Deuteronómio 30:20.

OINSÁ ATU HADOMI JEOVÁ NO RONA BA NINIA LIAFUAN?

APRENDE HUSI BÍBLIA: Atu bele hadomi Jeová, Ita presiza aprende uluk kona-ba nia husi Bíblia. Kuandu Ita halo nuneʼe, Ita sei komprende katak Jeová mak Maromak neʼebé domin no hakarak buat diʼak ba Ita. Nia konvida Ita atu koʼalia ba nia liuhusi orasaun tanba ‘nia hanoin Ita’. (1 Pedro 5:7) Bíblia promete katak se Ita hakaʼas an atu hakbesik ba nia, ‘nia sei hakbesik ba Ita’.—Tiago 4:8.

APLIKA BUAT NEʼEBÉ ITA APRENDE: Rona ba Maromak, katak halo tuir ninia matadalan husi Bíblia. Se Ita halo ida-neʼe, ‘Ita sei hetan susesu iha Ita-nia dalan sira no Ita sei hatudu hahalok neʼebé matenek’.—Josué 1:8.