Ita bele fó prezente saida ba Jeová?

JESUS hatete: “Kontente liu atu fó duké simu.” (Apóstolu 20:35) Lia-loos báziku neʼe mós aplika ba ita-nia relasaun diʼak ho Jeová. Tanbasá? Jeová fó ona prezente barak neʼebé halo ita sente kontente, maibé ita bele sente kontente liután hodi fó prezente ruma ba Jeová. Ita bele fó prezente saida ba Jeová? Provérbios 3:9 hatete: “Hahiʼi Jeová ho ó-nia sasán neʼebé folin-boot.” Ita-nia “sasán neʼebé folin-boot” inklui ita-nia tempu, talentu, kbiit no rikusoin sira. Kuandu ita uza sasán sira-neʼe atu ajuda halaʼo adorasaun neʼebé loos, neʼe hanesan ita fó prezente ba Jeová no ida-neʼe sei halo ita sente kontente liután.

Saida mak bele ajuda ita atu la haluha fó ita-nia rikusoin nuʼudar prezente ba Jeová? Apóstolu Paulo hatete ba irmaun-irmán sira iha Korinto atu “tau ketak buat ruma” hodi halo kontribuisaun. (1 Korinto 16:2) Iha neʼebé mak ita bele hetan informasaun liután kona-ba dalan sira atu fó kontribuisaun iha ita-nia área? Favór haree kaixa iha kraik.

Iha rai balu ita labele halo kontribuisaun online. Maski nuneʼe, ita bele hetan informasaun liután kona-ba dalan seluk atu fó kontribuisaun iha sítiu donate.jw.org. Iha rai balu ita bele asesu pájina ida neʼebé fó resposta ba pergunta sira kona-ba oinsá atu fó kontribuisaun.