Imi prontu atu bá eskola ka lae?
1. Imi neʼebé atu tama eskola iha oportunidade diʼak saida?
1 Maski imi alunu foun ka atu tama fali eskola hanesan, imi joven kristaun sei hasoru situasaun foun neʼebé koko imi-nia fiar iha eskola. Maibé imi mós iha oportunidade diʼak atu “fó sasin kona-ba lia-loos”. (Joao 18:37) Imi prepara an ona atu haklaken iha eskola ka lae?
2. Iha dalan saida deʼit mak imi bele prepara an ba eskola?
2 Atu hetan susesu iha imi-nia moris, imi simu treinu barak husi Maromak Jeová, inan-aman, no husi atan laran-metin no matenek. (Prov 1:8; 6:20; 23:23-25; Ef 6:1-4; 2 Tim 3:16, 17) Karik imi mós hatene ona susar saida deʼit mak imi sei hasoru iha eskola. Tan neʼe, ho treinu neʼebé imi simu ona, prepara didiʼak imi-nia an atu hasoru situasaun neʼe no fó sasin kona-ba imi-nia fiar. (Prov 22:3) Atu ajuda imi, lee didiʼak Bíblia nia matadalan iha livru Pertanyaan Kaum Muda jilid 1 no 2, no informasaun ba joven sira iha Sedarlah!
3. Iha dalan saida deʼit mak imi bele haklaken iha eskola?
3 Eskola sei sai imi-nia haklaken-fatin no imi sei hetan oportunidade barak atu haklaken. Kuandu ema haree imi-nia hatais diʼak, hahalok diʼak no koʼalia ho respeitu ba mestre no kolega sira, ka haree mós imi-nia rezultadu eskola nian, sira balu karik sei husu: “Tansá ó lahanesan ho ema seluk?” (Mal 3:18; Joao 15:19; 1 Tim 2:9, 10) Ida-neʼe bele loke dalan atu fó sasin no esplika kona-ba imi-nia fiar. Karik imi mós hasoru situasaun susar hanesan loron-boot nasaun nian ka relijiaun nian. Se ema ruma husu tansá mak imi la hola parte, imi sei hatán oinsá? Karik imi sei hatete deʼit: “Ida-neʼe kontra haʼu-nia fiar nuʼudar Testemuña ba Jeová.” Ka imi uza oportunidade neʼe atu fó sasin kona-ba ita-nia Aman Jeová ka lae? Kuandu imi prepara diʼak hodi tuir Maromak Jeová nia matadalan, imi bele sai prontu atu haklaken ba mestre sira, kolega sira, no mós ba ema seluseluk.—1 Ped 3:15.
4. Tansá mak imi bele fiar katak imi sei hetan susesu iha eskola?
4 Maski imi balu karik taʼuk uitoan atu bá eskola, keta haluha katak ami apoiu nafatin imi, hodi hakarak imi atu hetan susesu iha eskola. Ami mós kontente katak imi sei iha oportunidade kapás atu fó sasin iha imi-nia haklaken-fatin espesiál. Tan neʼe, aten-brani bá, no sai prontu atu bá eskola!