Pergunta husi haklaken-naʼin

◼ Ita halo saida se ema hapara Ita atu haklaken?

Iha situasaun balu, polísia hakbesik haklaken-naʼin sira neʼebé haklaken daudauk no hatete katak sira kontra lei, no haruka sira atu labele haklaken. Se ida-neʼe akontese, ita presiza hatudu respeitu no sai husi fatin neʼe kedas. (Mt 5:41; Flp 4:5) Keta koko rezolve situasaun neʼe hodi haksesuk ho polísia kona-ba ita-nia direitu. Se bele, hakerek polísia neʼe nia naran no nia postu-polísia iha neʼebé. Tuirmai, fó-hatene ida-neʼe ba katuas sira iha kongregasaun, no sira sei fó-hatene sukursál kona-ba neʼe. Iha situasaun seluk, kuandu uma-naʼin ka ema neʼebé reprezenta nia haruka ita atu sai husi fatin neʼebé ita haklaken, ita mós sai kedas, no tuirmai fó-hatene katuas sira. Kuandu ita nafatin hatudu haraik-an no respeitu ba sira neʼebé iha kbiit, ida-neʼe sei ajuda atu la halo problema sai boot.—Prov 15:1; Rom 12:18.