Oinsá atu fahe livru fulan-fulan nian

MENARA PENGAWAL 1 Maret

Lee Êxodo 20:15. Tuirmai hatete: “Maski ema barak koko atu halo tuir ukun-fuan neʼe, maibé ema balu hanoin katak la sala atu naʼok ka bosok kuandu hasoru situasaun neʼebé susar. Tuir ita-nia hanoin oinsá? [Hein ba resposta.] Livru neʼe esplika tansá mak diʼak atu sempre hatudu laran moos.” Hatudu informasaun neʼebé komesa husi pájina 12.

Sedarlah! Maret

“Ema barak respeitu ba Bíblia maibé sira hanoin katak Bíblia nia liafuan la iha folin ba moris ohin loron nian. Ita hanoin oinsá? [Hein ba resposta. Depois lee Roma 15:4.] Livru neʼe esplika kona-ba tansá ita bele fiar ba Bíblia tomak.” Hatudu informasaun neʼebé komesa husi pájina 28.

Livru Haklaken Abríl-Juñu

“Kuandu husu ba ema, sé mak mane ida neʼebé iha naran-boot liu hotu iha ema nia istória, ema barak sei hatán, ‘Neʼe mak Jesus.’ Ita mós sente hanesan neʼe ka lae? [Hein ba resposta.] Maibé ema iha ideia oioin kona-ba Jesus. Haree tansá mak ita presiza buka-hatene lia-loos kona-ba nia. [Lee Joao 17:3.] Edisaun espesiál husi Livru Haklaken neʼe esplika saida mak Bíblia loloos hatete kona-ba Jesus no buat neʼebé nia hanorin.”

Sedarlah! April

“Ema barak hanoin katak ita la iha tempu barak atu halo buat neʼebé ita hakarak halo. Ita mós sente hanesan neʼe? [Hein ba resposta.] Ema barak sente katak konsellu neʼe diʼak ba sira. [Lee Filipe 1:10.] Livru neʼe fó matadalan sira neʼebé bele ajuda ita atu uza didiʼak ita-nia tempu.”