Oinsá atu fahe livru fulan-fulan nian

MENARA PENGAWAL 1 Maret

“Susar duni atu halo buat neʼebé loos kuandu ema seluk obriga ita atu halo buat neʼebé laloos. Saida mak bele ajuda ita atu halo buat neʼebé loos? [Hein ba resposta. Tuirmai, lee Ebreu 13:6.] Livru ida-neʼe esplika buat lima tansá ita tenke taʼuk Maromak laʼós ema.” Hatudu informasaun neʼebé komesa husi pájina 12.

Sedarlah! Maret

“Ita hotu hakarak atu iha kolega neʼebé diʼak. Ita hakarak Ita-nia kolega iha hahalok diʼak saida? [Hein ba resposta.] Haree toʼok saida mak Bíblia hatete kona-ba ida-neʼe. [Lee Provérbios 17:17.] Livru ida-neʼe fó sujestaun balu oinsá ita bele hili kolega diʼak no oinsá atu sai kolega diʼak ho ema seluk.” Hatudu informasaun neʼebé komesa husi pájina 18.

MENARA PENGAWAL 1 April

“Haʼu hakarak husu Ita-nia opiniaun kona-ba Jesus nia liafuan neʼe. [Lee Joao 3:3.] Tuir Ita-nia hanoin atu moris fali neʼe katak sá? [Hein ba resposta.] Livru ida-neʼe esplika katak se ita komprende ho loloos Jesus nia liafuan neʼe bele kona ita-nia moris no ita-nia futuru.”

Sedarlah! April

“Labarik barak neʼebé eskola hasoru estrese. Tuir Ita-nia hanoin estrese neʼebé labarik sira hasoru ohin loron hanesan ho estrese neʼebé sira-nia inan-aman hasoru kuandu sira sei kiʼik ka lae? [Hein ba resposta.] Estrese demais bele lori problema boot. [Lee Eclesiastes 7:7a.] Livru ida-neʼe esplika oinsá mak ema boot sira bele ajuda labarik sira-neʼe.”