Oinsá atu fahe livru fulan-fulan nian

MENARA PENGAWAL 1 Agustus

“Ema barak hanoin katak ema diʼak hotu sei bá lalehan. Ita mós fiar kona-ba ida-neʼe ka lae? [Hein ba resposta.] Haree toʼok saida mak eskritura neʼe hatete kona-ba rai neʼe. [Lee Salmo 37:11, 29.] Informasaun neʼe hatudu saida mak Jesus hanorin kona-ba ema nia futuru iha rai neʼe.” Hatudu informasaun neʼebé komesa iha pájina 22.

Sedarlah! Agustus

“Kuandu ema nia inan ka aman mate, sira sente triste tebes, loos ka lae? [Hein ba resposta.] Ema barak sente kmaan kuandu sira lee eskritura husi Bíblia hanesan ida-neʼe. [Lee Apokalipse 21:4.] Informasaun neʼe ajuda ita, no liuliu joven sira, kuandu sente triste tanba inan ka aman mate.” Hatudu informasaun neʼebé komesa iha pájina 10.

MENARA PENGAWAL 1 September

“Ema balu hanoin katak se ita fiar-metin ba Maromak, nia sei fó bensaun ba ita atu sai riku. Sira mós fiar katak se ita kiak, neʼe tanba Maromak la simu ita. Tuir Ita-nia hanoin, ida-neʼe loos ka lae? [Hein ba resposta.] Maibé ita hotu hatene katak Jesus laʼós ema riku, loos ka lae? [Lee Lucas 9:58.] Livru ida-neʼe esplika kona-ba bensaun saida deʼit mak Maromak nia atan sira hein atu hetan.”

Sedarlah! September

“Tuir Ita-nia hanoin, ohin loron, joven sira hasoru susar barak liu fali kompara ho tempu uluk ka lae? [Hein ba resposta.] Ema barak sente katak versíkulu neʼe koʼalia duni kona-ba ita-nia tempu. [Lee 2 Timoteo 3:1.] Livru ida-neʼe fó matadalan balu husi Bíblia neʼebé ajuda inan-aman no joven sira atu tahan.”