Oinsá atu fahe livru fulan-fulan nian

MENARA PENGAWAL 1 Juli

“Ita fiar ka lae katak maski ohin loron iha susar barak, ita bele hetan dame iha laran? [Hein ba resposta.] Haree toʼok saida mak Bíblia hatete iha Filipe 4:6, 7. [Lee.] Informasaun neʼe esplika oinsá mak ita bele hetan dame neʼebé Maromak haraik mai ita.” Hatudu informasaun neʼebé komesa iha pájina 10.

Sedarlah! Juli

“Ita barak agradese ba inan-aman ba buat neʼebé sira hanorin ita kuandu ita sei kiʼik. Hatudu respeitu ka lae, se ita husu pergunta kona-ba relijiaun neʼebé ita aprende kuandu ita sei kiʼik? [Hein ba resposta. Tuirmai lee 1 Joao 4:1.] Informasaun neʼe esplika oinsá mak Maromak nia haree kona-ba troka relijiaun.” Hatudu informasaun neʼebé komesa iha pájina 28.

MENARA PENGAWAL 1 Agustus

“Ema barak hatete katak relijiaun oioin mak hanesan dalan oioin, maibé sira hotu lori ita ba Maromak ida deʼit. Ita mós hanoin hanesan neʼe ka lae? [Hein ba resposta. Tuirmai lee Mateus 7:13, 14.] Livru ida-neʼe hatudu buat tolu neʼebé Bíblia hatete kona-ba relijiaun neʼebé loos sei hanorin.”

Sedarlah! Agustus

“Ita hotu hasoru ona situasaun neʼebé la iha justisa. Tuir Ita-nia hanoin, Maromak sente oinsá kona-ba situasaun hanesan neʼe? [Hein ba resposta. Tuirmai lee Apostolu 10:34, 35.] Bíblia bele ajuda ita atu hasoru situasaun neʼebé la iha justisa. Bíblia mós ajuda ita atu ita mós la fihir ema. Livru neʼe esplika liután kona-ba neʼe.”