Oinsá atu fahe livru fulan-fulan nian

Livru Haklaken Jullu-Setembru

“Ita hotu fiar Jesus Kristu. Maibé Ita hatene ka lae, katak Jesus fó konvite espesiál ba ema neʼebé fiar nia? [Hein ba resposta. Tuirmai, lee Mateus 19:21.] Livru neʼe esplika kona-ba buat tolu neʼebé ita bele halo hodi tuir Kristu.” Hatudu informasaun neʼebé komesa iha pájina 16.

Sedarlah! Juli

“Ohin loron ema barak hanoin kona-ba ambiente mundu nian neʼebé sai aat no halo animál sira sai menus ba beibeik. Tuir Ita-nia hanoin, ita ema bele rezolve problema hanesan neʼe ka lae? [Hein ba resposta.] Haree toʼok saida mak Bíblia promete kona-ba ita-nia futuru. [Lee Apokalipse 11:18.] Livru ida-neʼe esplika saida mak akontese daudauk ba lekirauk oin ida no mós saida mak Maromak sei halo atu rezolve problema ambiente.” Hatudu informasaun neʼebé komesa iha pájina 15.

Livru Haklaken Jullu-Setembru

“Ohin loron iha relijiaun barak neʼebé temi sira-nia an nuʼudar kristaun, maibé sira-nia hanorin no dalan neʼebé sira adora Maromak la hanesan. Tuir Ita-nia hanoin, Maromak sente oinsá kona-ba neʼe? [Hein ba resposta. Tuirmai, lee 1 Korinto 1:10.] Livru neʼe esplika tansá mak relijiaun protestante haketak an husi Igreja Katólika no mós oinsá mak Testemuña ba Jeová la hanesan ho relijiaun protestante.” Hatudu informasaun neʼebé komesa iha pájina 21.

Sedarlah! Agustus

“Karik ita simu ona vizita husi Testemuña ba Jeová. Ema balu husu tansá mak ami haklaken hodi vizita uma ida-idak. Ita mós iha dúvida kona-ba neʼe ka lae? [Hein ba resposta. Tuirmai, lee Mateus 24:14.] Ami mós rona ema koʼalia buat oioin kona-ba ami. Livru neʼe esplika Testemuña ba Jeová ema hanesan saida.”