Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Dezembru

“Ohin loron relijiaun barak dehan katak sira adora Maromak. Tuir Ita-nia hanoin, adorasaun hanesan saida mak Maromak simu? [Hein ba resposta.] Livru neʼe fó sai informasaun balu kona-ba oinsá ita bele hatene se ema ida adora Maromak iha dalan neʼebé loos ka lae.” Fó Livru Haklaken Outubru-Dezembru, no lee no koʼalia hamutuk kona-ba pergunta terseiru iha pájina 16. Lee eskritura ida husi parágrafu. Fó livru neʼe ba uma-naʼin no halo arranju atu vizita fali hodi koʼalia hamutuk pergunta tuirmai.

Livru Haklaken Outubru-Dezembru

“Ema barak hanoin katak Maromak mak ukun mundu. Se nuneʼe, tansá iha terus barak? Oinsá Ita-nia hanoin kona-ba neʼe? [Hein ba resposta.] Haree toʼok saida mak Bíblia hatete kona-ba neʼe. [Lee Apokalipse 12:9.] Bíblia esplika katak ohin loron Diabu mak ukun mundu. Maibé oinsá mak ninia ukun kona ema nia moris? Nia ukun toʼo bainhira? Livru neʼe fó resposta neʼebé klaru husi Bíblia ba pergunta sira-neʼe.”

Livru Haklaken Outubru-Dezembru

“Tanba feen-laʼen iha hanoin neʼebé la hanesan, dala ruma ida-neʼe bele hamosu problema entre sira. Tuir Ita-nia hanoin, se problema mosu, matadalan husi Bíblia iha Filipe 2:3, 4 [Lee.] bele ajuda ka lae? [Hein ba resposta.] Informasaun husi livru neʼe ajuda família sira atu halo tuir Bíblia nia matadalan no moris kontente nuʼudar família.” Hatudu informasaun neʼebé komesa iha pájina 10.