Pergunta husi haklaken-naʼin

◼ Oinsá mak ita bele hatene se ita sei fó livru ba ema ka lae?

Buat neʼebé ajuda atu hatene se ita bele fó livru ba ema mak se ema neʼe hatudu interese. Se ema neʼe hatudu duni interese, karik ita bele fó ba nia revista rua, broxura ida, ka livru seluk neʼebé ita hakarak fahe. Ita halo nuneʼe maski nia fó osan uitoan deʼit ka nia la iha osan atu fó atu apoia ita-nia serbisu iha mundu tomak. (Jó 34:19; Apok 22:17) Iha parte seluk, ita lakohi atu fó ita-nia livru sira neʼebé folin-boot ba ema sira neʼebé la hafolin ida-neʼe.​—Mt 7:6.

Oinsá mak ita bele hatene se ema ida hatudu interese? Se ita haree katak nia prontu atu koʼalia ho ita, rona didiʼak ba buat neʼebé ita koʼalia, hatán ita-nia pergunta, no fó sai ninia hanoin, buat sira-neʼe hatudu katak nia iha interese. No mós, se nia haree tuir buat neʼebé ita lee husi Bíblia, neʼe hatudu katak nia respeitu Maromak nia Liafuan. Antes fó livru, diʼak mós atu husu se nia sei lee duni livru neʼe ka lae. Haklaken-naʼin sira presiza uza matenek hodi hatene se ema hatudu duni interese. Porezemplu, kuandu ita haklaken iha dalan, la diʼak atu fó revista, broxura, ka livru seluk ba ema hotu neʼebé laʼo liu ita. Se ita la bele hatene se ema iha duni interese ka lae, diʼak liu atu fó deʼit ba nia konvite ka tratu ida.

Nuneʼe mós, maski haklaken-naʼin ida iha osan atu fó nuʼudar kontribuisaun, maibé ida-neʼe la dehan katak nia bele foti livru barak liu fali buat neʼebé nia sei uza iha serbisu haklaken. Tuir loloos, kontribuisaun sira laʼós atu selu deʼit livru sira, maibé atu apoia buat hotu neʼebé presiza atu halaʼo ita-nia serbisu haklaken iha mundu tomak. Se ita hafolin buat hotu neʼebé Maromak fó ba ita, ida-neʼe sei book ita atu la fó buat neʼebé resin deʼit, maibé ita sei fó ho laran buat neʼebé ita iha hodi apoia Maromak nia serbisu. (Mc 12:41-44; 2 Kor 9:7) Ida-neʼe mós sei book ita atu uza ho didiʼak ita-nia livru sira hodi foti deʼit buat neʼebé ita presiza.

[Liafuan ne’ebé foti husi pájina 2]

Haklaken-naʼin sira presiza uza matenek hodi hatene se ema iha duni interese ka lae