Ita-nia livru sira haree oinsá?

Neʼe pergunta neʼebé diʼak atu husu ba ita-nia an kuandu ita planu atu fahe livru ida. Se livru ruma la kabeer, kór ladún moos, namkurut no iha naklees, neʼe sei halo ema koʼalia la diʼak kona-ba ita-nia organizasaun. Ida-neʼe mós sei dada uma-naʼin nia atensaun husi mensajen furak neʼebé hakerek iha livru sira-neʼe, mensajen neʼebé bele lori ema ba salvasaun.

Saida mak ita bele halo atu ita-nia livru sira kabeer nafatin? Haklaken-naʼin barak hanoin katak buat neʼebé ajuda sira atu halo nuneʼe mak hodi tau hamutuk livru sira-neʼebé hanesan iha pasta. Porezemplu, sira tau ketak livru sira, tau ketak livru fulan-fulan hamutuk ho broxura sira, no tau ketak tratu no buat seluk iha pasta nia bolsu sira. Depois koʼalia hotu ho uma-naʼin, sira hatama didiʼak Bíblia no livru sira iha pasta haklaken hodi la sai aat. Haklaken-naʼin balu rai sira-nia livru iha plástiku no hatama iha pasta. Ita bele organiza ita-nia livru iha dalan oioin, maibé buat neʼebé importante mak ita lakohi fó razaun ba ema atu koʼalia aat kona-ba ita-nia serbisu haklaken tanba livru neʼebé ita fó ba sira sabraut ka la moos.—2 Kor 6:3.