“Ha’u sei simu Ita-nia livru se Ita mós simu haʼu-nian”

Dala ruma, uma-naʼin balu sei hatete liafuan neʼe mai ita. Maibé tanba ita la troka ita-nia livru sira kona-ba Bíblia ho livru ruma kona-ba relijiaun seluk, dala ruma ida-neʼe bele hamosu problema. Entaun, oinsá mak ita bele hatán ho matenek? (Rom 1:25) Ita bele hatete: “Obrigadu. Haʼu bele husu Ita-Boot saida mak livru neʼe hatete kona-ba rezolve ema nia problema sira? [Hein ba resposta. Se uma-naʼin husu ba ita atu lee livru neʼe hodi bele hetan resposta, ita bele fó-hanoin ba nia katak antes ita fó ita-nia livru ba nia, ita koʼalia uluk kona-ba saida mak livru neʼe hatete. Tuirmai, lee ka temi deʼit eskritura iha Mateus 6:9, 10.] Jesus hatudu katak Maromak nia Reinu, ka Ukun, sei halaʼo Maromak nia hakarak iha rai. Tan neʼe, haʼu gosta lee deʼit livru relijiaun nian neʼebé koʼalia kona-ba Maromak nia Ukun. Haʼu bele lee ba Ita-Boot husi Bíblia buat balu neʼebé Maromak nia Ukun sei halo?”