Dalan diʼak atu uza múzika reuniaun nian

Maromak nia atan sira haree múzika nuʼudar prezente furak husi Maromak Jeová. (Tgo 1:17) Kongregasaun barak loke múzika reuniaun nian ho lian neineik antes no depois sira-nia reuniaun kristaun sira. Kuandu ita rona múzika sira-neʼe nuʼudar ita tama iha reuniaun-fatin, neʼe bele halo ita sente kalma, no ajuda ita prepara ita-nia neon atu simu hanorin husi Maromak. Liután neʼe, hodi rona knananuk foun sira husi ita-nia livru knananuk, ida-neʼe ajuda ita atu hatene kanta ho diʼak knananuk sira-neʼe. Se loke múzika sira-neʼe depois reuniuan, ida-neʼe bele halo ita hotu haksolok nafatin hodi ransu malu no fó laran-manas ba malu. Tan neʼe, katuas sira bele loke múzika hodi uza CD múzika ho pianu ka CD múzika neʼebé ema kanta antes no depois reuniaun. Kuandu katuas sira deside atu halo nuneʼe, sira tenke halo múzika neʼe ho lian neineik hodi nuneʼe la hanetik irmaun-irmán sira atu koʼalia ba malu.