Pergunta husi joven sira—Haʼu sei halo saida ho haʼu-nia moris? (Parte 1)
Kuandu joven sira sai boot, sira presiza halo desizaun sira neʼebé importante. Tan neʼe atu ajuda sira, Ita iha vídeo ho títulu Kaum Muda Bertanya—Apa yang Akan Kukejar dalam Hidupku? Iha menu utama, hili Mainkan Drama, no koko toʼok atu hatán ba pergunta sira iha parágrafu 2. Depois neʼe, iha menu utama, hili Wawancara no tuirmai hili Mengenang, no koko toʼok atu hatán ba pergunta sira iha parágrafu 3.
Drama: (1) Iha dalan saida deʼit mak Timóteo nia situasaun hanesan ho joven kristaun barak ohin loron? (2) Andre hetan tentasaun saida deʼit kona-ba halai-taru? (3) Saida mak irmaun Fleissig hatete ba Andre kona-ba (a) fó ninia moris tomak ba Jeová no mós ba desportu? (Mt 6:24) (b) oinsá atu hetan kontente neʼebé loos? (c) manko neʼebé nia uza kuandu iha komarka fó-hanoin nia kona-ba saida? (d) irmaun-irmán sira iha foto hamutuk ho irmaun Fleissig no nia feen? (e) oinsá nia sente kuandu nia husik ninia planu uluk kona-ba desportu hodi serbí Jeová? (Flp 3:8) (4) Andre nia avó-feto hatán saida kona-ba ninia pergunta, “Sala ka lae se haʼu hakarak atu hetan naran-boot nuʼudar jogadór?” (Lc 4:5-7) (5) Andre hetan kontente neʼebé loos kuandu nia manán iha halai-taru ka lae? (6) Saida mak Ita gosta kona-ba surat ikus neʼebé irmaun Fleissig hakerek ba Andre? (Prov 10:22) (7) Irmaun Fleissig ajuda Andre atu hatene didiʼak kona-ba saida?
Hanoin fila fali (Mengenang): (8) Uluk irmaun no irmán neʼe hakaʼas an atu halo serbisu saida, no tanbasá? (9) Husi sira-nia serbisu neʼe sira hetan susesu saida? (10) Tanbasá sira troka fali sira-nia serbisu? (2 Kor 5:15) (11) Sira halo saida hodi serbí Maromak? Tanbasá sira sente katak sira la bele serbí Maromak no halo serbisu uluk nian iha tempu hanesan? (12) Sira sente triste ka lae, tanba agora sira halaʼo sira-nia moris tuir dalan seluk? (13) Sira-nia liafuan saida mak book Ita atu hanoin kona-ba buat neʼebé Ita hakarak atu halo iha Ita-nia moris?
Halo favór, haree mós entrevista sira ka wawancara, no informasaun estra, ka bahan tambahan iha vídeo neʼe. Hodi nuneʼe ita bele prepara atu fó resposta iha Reuniaun Serbisu ba semana oin.