Pergunta husi joven sira—Haʼu sei halo saida ho haʼu-nia moris? (Parte 2)
Iha vídeo ho títulu Kaum Muda Bertanya—Apa yang Akan Kukejar dalam Hidupku?, iha menu utama, hili Wawancara, depois hili Bagian-bagian. Haree tiha parte tolu neʼe, koko toʼok atu hatán ba pergunta sira iha parágrafu 2. Depois neʼe fila fali ba menu utama no hili Bahan tambahan. Haree tiha parte lima neʼe kona-ba entrevista sira, koko toʼok atu hatán ba pergunta sira iha parágrafu 3.
Parte sira (Bagian-bagian)—Uza ita-nia moris tomak atu serbí Maromak ka buka buat neʼebé la iha folin: (1) Ohin loron joven sira hetan tentasaun atu buka saida? (2) Oinsá mak liafuan iha 1 Joao 2:17 bele ajuda joven sira atu deside sira eskola toʼo tinan hira? (3) Tanbasá mak la diʼak atu husik sentimentu taʼuk hanetik ita hodi la hetan batizmu? (4) Ita bele halo buat saida deʼit atu ajuda ita kumpre kritériu hodi hetan batizmu? Hakaʼas an atu sente kontente iha serbisu haklaken: (5) Tanbasá mak joven balu la sente kontente iha serbisu haklaken? (6) Buat saida deʼit mak bele ajuda ita sente kontente? (7) Maski joven balu la sente taʼuk atu koʼalia ho ema neʼebé sira la koñese, maibé buat saida mak halo sira sente taʼuk liu? Tanbasá mak sira sente hanesan neʼe? (8) Ita bele halo saida atu la sente taʼuk no haburas aten-brani kuandu haklaken? (9) Tanbasá mak importante mós atu haburas matenek kona-ba serbisu haklaken? Odamatan luan neʼebé loke ba serbisu: (10) Oinsá mak serbí nuʼudar pioneiru fó oportunidade ba ita atu laʼo ba oin iha lia-loos? (Flp 3:16) (11) Tanbasá mak joven barak dada an atu komesa serbí nuʼudar pioneiru? (12) Matadalan saida deʼit iha Bíblia bele ajuda ita atu la hanoin demais kona-ba buka moris? (13) Oinsá mak irmaun-irmán balu neʼebé serbí nuʼudar pioneiru tau matan ba sira-nia presiza? (14) Ita bele halo saida deʼit se ita-nia situasaun la fó oportunidade ba ita atu serbí Maromak tempu-tomak?
Informasaun estra (Bahan tambahan)—Estuda mesak mak importante tebes: (15) Tanbasá mak importante iha programa atu estuda mesak? Haklaken iha fatin públiku (Kesaksian Alternatif): (16) Se ita koko dalan oioin atu haklaken, oinsá mak ida-neʼe bele ajuda ita sente kontente liután? Serbí iha Betel: (17) Tanbasá serbí iha Betel halo ita sente kontente? Eskola Bíblia nian ba Irmaun sira neʼebé Laiha Kaben (Sekolah Pelatihan Pelayanan): (18) Oinsá mak eskola neʼe ajuda irmaun sira? Hetan treinu iha Eskola Gilead (Pelatihan Utusan Injil Gilead): (19) Oinsá mak irmaun Peter no irmán Fiona prepara sira-nia hanoin hodi serbí nuʼudar misionáriu? Oinsá mak treinu husi eskola Gilead ajuda sira?