Ita-nia sítiu ofisiál—Uza iha serbisu haklaken
Fó-hatene ema atu loke rasik ita-nia sítiu: Ema balu ladún hakarak atu koʼalia ho ita ka la simu ita-nia livru sira. Maski nuneʼe, karik sira hakarak atu buka-hatene kona-ba Testemuña ba Jeová hodi loke sítiu jw.org iha sira-nia uma. Tan neʼe, se ita iha oportunidade, diʼak atu fó-hatene ba ema seluk kona-ba ita-nia sítiu.
Resposta ba pergunta sira: Dala ruma, uma-naʼin, ema neʼebé hakarak hatene liután, ka kolega ruma sei husu pergunta kona-ba Testemuña ba Jeová ka kona-ba ita-nia fiar. Se nuneʼe, diʼak atu hatudu kedas resposta ba ninia pergunta hodi loke ita-nia sítiu iha ita-nia telemovel ka komputadór. Maibé diʼak se ita lee iha ita-nia Bíblia rasik eskritura sira neʼebé hatudu iha sítiu neʼe. Se ita la bele uza ita-nia telemovel atu loke internét, esplika ba uma-naʼin oinsá mak nia bele uza jw.org atu buka-hetan rasik resposta ba ninia pergunta.—Hili língua indonézia, tuirmai klik “Ajaran Alkitab” depois klik Pertanyaan Alkitab Dijawab” ka klik “Mengenai Kami” depois klik “Pertanyaan Umum”.a
Haruka informasaun ka livru ruma ba ema neʼebé Ita koñese: Ita bele haruka ho e-mail PDF ka EPUB neʼebé ita download tiha ona. Ka ita bele download gravasaun ba ita-nia livru ruma no save ida-neʼe iha CD. Se ita fó ba ema neʼebé seidauk hetan batizmu ita-nia livru, broxura, ka revista tomak neʼebé ita download, ita bele sura ida-neʼe iha ita-nia relatóriu fulan-fulan nian. Kuandu haruka informasaun ruma ba ema seluk, ita tenke fó-hatene ita-nia naran no labele haruka informasaun barak demais dala ida deʼit. No mós, ita labele hatama fali iha sítiu seluk informasaun neʼebé ita foti husi sítiu jw.org.—Klik “Livru sira”.
Hatudu notísias foun kona-ba Testemuña ba Jeová: Notísias sira-neʼe sei ajuda estudante Bíblia no ema seluk neʼebé ita vizita atu hafolin liután ita-nia unidade no serbisu neʼebé ita halaʼo iha mundu tomak. (Sal 133:1)—Hili língua portugés, tuirmai klik “Notícias”.
[Nota–rodapé]
a Informasaun balu iha ita-nia sítiu bele hetan iha língua seluk deʼit tanba seidauk iha lia-tetun.
[Tabela iha pájina 5]
(For fully formatted text, see publication)
Koko atu uza
1 Klik “Livru sira”, no buka livru neʼebé Ita hakarak atu download, no iha okos hili format neʼebé ita hakarak.
2 Klik “MP3” atu hatudu lista títulu nian kona-ba informasaun sira. Klik ba títulu ida atu download ka klik ▸ atu rona kedas.
3 Hili língua seluk husi lista neʼe se Ita hakarak atu download livru sira iha língua neʼe.