Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Abríl

“Ema barak fiar katak Jesus mak Maromak. Maibé, karik Ita hakfodak uitoan atu hatene katak Bíblia bolu Jesus nuʼudar Maromak nia Oan. Tuir Ita-nia hanoin, Jesus bele sai nuʼudar Maromak no iha tempu hanesan sai Maromak nia Oan ka lae? [Hein ba resposta.] Informasaun iha pájina 16 iha livru neʼe fó sai Bíblia nia resposta ba pergunta neʼe: ‘Tanbasá Bíblia bolu Jesus nuʼudar Maromak nia Oan?’” Hatudu ba uma-naʼin Livru Haklaken Abríl–Juñu nia kotuk, no koʼalia hamutuk kona-ba pergunta primeiru no lee eskritura ida ka liu. Fó livru neʼe ba uma-naʼin no halo planu atu vizita fali nia hodi koʼalia tan kona-ba pergunta tuirmai.

Livru Haklaken Apríl–Juñu

“Ema balu husu pergunta neʼe: ‘Oinsá mak ita hatene katak Jesus moris hiʼas duni?’ Ita mós hanoin ona kona-ba ida-neʼe ka lae? [Hein ba resposta.] Haree toʼok tanbasá mak resposta ba pergunta neʼe mak importante tebes. [Lee 1 Korinto 15:14.] Livru neʼe esplika tansá mak ita bele fiar katak ema bele duni moris hiʼas fali.”

Matan-moris bá! Apríl–Juñu

“Ohin loron ema barak bá serbisu iha rai seluk tanba sira hakarak atu iha moris neʼebé diʼak liu. Tuir Ita-nia hanoin, ema sira neʼebé halo nuneʼe hetan duni buat neʼebé sira hakarak ka lae? [Hein ba resposta.] Tuir loloos, ida-neʼe laʼós buat neʼebé foun. Livru primeiru iha Bíblia laran fó ezemplu kona-ba neʼe. [Hatudu kaixa iha pájina 7.] Livru neʼe fó resposta ba pergunta tuirmai neʼe.” Hatudu ba uma-naʼin pergunta sira husi parágrafu ikus iha pájina 6.