Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Maiu

“Haʼu hakarak husu ba Ita-Boot pergunta importante ida. [Lee Koloso 1:15.] Se Bíblia bolu Jesus nuʼudar “Oan boot”, sé mak fó moris ba nia? No ninia moris hahú horibainhira? [Hein ba resposta.] Livru neʼe fó resposta ba pergunta hirak-neʼe, no esplika kona-ba Jesus nia moris antes nia mai toʼo iha rai.” Hatudu ba uma-naʼin Livru Haklaken Abríl–Juñu nia kotuk, no koʼalia hamutuk kona-ba pergunta segundu no lee eskritura ida ka liu. Fó livru neʼe ba uma-naʼin no halo planu atu vizita fali nia hodi koʼalia tan kona-ba pergunta seluk.

Livru Haklaken Abríl–Juñu

“Haʼu hakarak husu Ita-Boot nia hanoin kona-ba buat neʼebé hatete iha eskritura neʼe. [Lee Roma 10:9.] Se Jesus mak Maromak, hanesan igreja barak hanorin, se nuneʼe tuir Ita-Boot nia hanoin, sé mak halo Jesus moris hiʼas fali? [Hein ba resposta.] Livru neʼe fó resposta ba pergunta neʼe no pergunta seluk tan kona-ba Jesus nia moris-hiʼas.” Hatudu ba uma-naʼin kaixa ho títulu “Pergunta neʼebé ema barak husu” iha pájina 6.

Matan-moris bá! Abríl–Juñu

“Ohin loron, joven barak hakarak foti desizaun rasik hodi la husu inan-aman. Tuir Ita-Boot nia hanoin, Bíblia nia matadalan neʼe bele ajuda inan-aman ka lae? [Lee Tiago 1:19. Depois hein ba resposta.] Livru neʼe iha informasaun neʼebé bele ajuda inan-aman sira atu koʼalia nakloke ho sira-nia oan joven.” Hatudu informasaun neʼebé komesa iha pájina 4.