Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Agostu

“Besik ema hotu halo orasaun ba Maromak hodi husu perdua kona-ba sira-nia sala. Maibé, oinsá mak ita bele fiar katak Maromak fó perdua duni ba ita-nia sala? Iha buat ruma neʼebé ita tenke halo hodi hetan perdua ka lae?” Hein ba resposta. Tuirmai, hatudu informasaun iha pájina 15 husi Livru Haklaken Jullu-Setembru, no koʼalia hamutuk kona-ba pergunta segundu no lee eskritura ida ka liu. Fó livru ba uma-naʼin no halo planu atu vizita fali hodi koʼalia kona-ba pergunta tuirmai.

Avizu: Irmaun neʼebé dirije grupu haklaken iha loron 4 Agostu, sei uza ezemplu iha leten hodi halo drama kiʼik.

Livru Haklaken Jullu-Setembru

“Kuandu Maromak fó kastigu ba ema aat sira iha Noé nia tempu, tuir Ita-nia hanoin, neʼe hatudu katak Maromak laran-aat ka lae? [Hein ba resposta.] Haree toʼok saida mak ita bele aprende husi Noé nia istória iha 2 Pedro 2:5, 6. [Lee.] Livru neʼe esplika tansá Maromak fó kastigu ba ema aat iha tempu uluk, no oinsá mak ezemplu sira-neʼe bele hanorin ita kona-ba futuru.” Hatudu informasaun neʼebé komesa iha pájina 5.

Matan-moris bá! Jullu-Setembru

“Ema balu fiar katak Diabu Satanás laʼós tebes, maibé sira fiar katak nia mak buat neʼebé aat iha ema ida-idak nia laran. Tuir Ita-nia hanoin, neʼe loos ka lae? [Hein ba resposta.] Buat neʼebé Bíblia hanorin kona-ba Diabu halo ema hakfodak. [Lee Apokalipse 12:9.] Se Satanás iha duni, oinsá mak ita bele proteje ita-nia an husi nia? Livru neʼe fó sai saida mak Bíblia hanorin, no saida mak ita bele halo atu proteje ita-nia an.” Hatudu informasaun neʼebé komesa iha pájina 6.