Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Agostu

“Tuir Ita-nia hanoin, Maromak kria ita ho kbiit atu bele halo tuir didiʼak ninia hakarak ka lae? [Hein ba resposta.] Haʼu iha informasaun diʼak kona-ba neʼe.” Hatudu ba uma-naʼin Livru Haklaken Jullu-Setembru, no koʼalia hamutuk kona-ba pergunta segundu iha pájina 16, no lee eskritura ida husi parágrafu. Fó livru neʼe ba uma-naʼin no halo arranju atu vizita fali hodi koʼalia hamutuk kona-ba pergunta tuirmai.

Livru Haklaken Jullu-Setembru

“Ema barak fiar katak sira sei bá lalehan kuandu sira mate. Ita mós hanoin hanesan neʼe ka lae? [Hein ba resposta.] Haree toʼok saida mak Jesus hatete kona-ba sira neʼebé bá lalehan kuandu nia sei iha mundu. [Lee Joao 3:13.] Informasaun husi livru neʼe hatán pergunta: ‘Ema kristaun hotu neʼebé laran-metin bá lalehan kuandu mate ka lae?’” Hatudu informasaun iha pájina 18.

Livru Haklaken Jullu-Setembru

“Ita hotu karik lakon ona família ka belun tanba mate. Tuir Ita-nia hanoin, ita bele hasoru malu fali ho ita-nia família ka belun neʼebé mate ona ka lae? [Hein ba resposta.] Jesus hatudu sai katak ita-nia família ka belun neʼebé mate ona sei moris hiʼas fali. [Lee Joao 11:11, 25, 44.] Maski ida-neʼe akontese iha tinan atus ba atus liubá, maibé ida-neʼe hatudu saida mak Maromak promete atu halo ba ita iha futuru. Informasaun iha livru neʼe koʼalia kona-ba ida-neʼe no kona-ba saida mak ita bele aprende husi Marta, nia mak mane neʼebé Jesus fó moris hiʼas nia biin.” Hatudu informasaun neʼebé komesa iha pájina 11.