Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Setembru

“Ema barak hakarak duni atu komprende Maromak nia liafuan, maibé sira mós sente katak kuandu sira lee Bíblia, ida-neʼe halo sira konfuzaun. Karik Ita mós sente hanesan neʼe, ka rona ema seluk koʼalia hanesan neʼe ka lae?” [Hein ba resposta.] Hodi uza Livru Haklaken Jullu-Setembru, hatudu informasaun neʼebé hakerek iha pájina kotuk no koʼalia hamutuk kona-ba pergunta primeiru no lee eskritura ida ka liu. Fó livru ba uma-naʼin no halo planu atu vizita fali hodi koʼalia kona-ba pergunta tuirmai.

Livru Haklaken Jullu-Setembru

“Tuir Ita-nia hanoin, bainhira ita halo orasaun ba Maromak, ita tenke halo orasaun ba santu-santa sira, ka ba Maromak mesak ida deʼit nuʼudar Aman neʼebé hadomi ita? [Hein ba resposta.] Haree toʼok Jesus nia liafuan iha Joao 15:16 [Lee.] Dala ruma karik ita sente taʼuk hodi koʼalia ho Maromak liuhusi orasaun, maibé informasaun iha-neʼe sei ajuda ita atu hanoin Maromak nuʼudar Aman neʼebé hadomi ita no hakarak ita atu koʼalia ho nia.” Hatudu informasaun neʼebé komesa iha pájina 12.

Matan-moris bá! Jullu-Setembru

“Violénsia doméstika mak problema neʼebé akontese iha mundu tomak. Ema balu hanoin katak problema neʼe mosu tanba ema nia kultura, ka moris família nian, ka nonton no halaʼo atividade halimar nian neʼebé iha violénsia. Maibé tuir Ita-nia hanoin, saida mak razaun neʼebé hamosu violénsia doméstika iha família laran? [Hein ba resposta.] Bíblia fó sai kona-ba relasaun diʼak entre feen-laʼen. [Lee Efeso 5:33.] Livru neʼe koʼalia kona-ba kaben-naʼin balu neʼebé bele halaʼo moris kaben nian ho kontente tanba halo tuir Bíblia nia matadalan sira.”