Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Setembru

“Loron-loron ema rihun ba rihun hetan batizmu atu sai ema kristaun, maibé Ita hatene tanbasá mak ema kristaun tenke hetan batizmu? [Hein ba resposta.] Informasaun neʼe esplika kona-ba tansá ema kristaun tenke hetan batizmu, no saida mak Maromak hakarak husi ita depois ita hetan batizmu.” Fó Livru Haklaken Jullu–Setembru ba uma-naʼin, no koʼalia hamutuk kona-ba pergunta primeiru iha pájina 17 no lee eskritura ida ka liu husi parágrafu. Fó livru neʼe ba uma-naʼin no halo arranju atu vizita fali hodi koʼalia hamutuk pergunta tuirmai.

Livru Haklaken Jullu–Setembru

“Se Jesus mak ema sala-laek, tuir loloos nia bele sai ukun-naʼin ida neʼebé diʼak, maibé tanbasá mak nia la simu oportunidade ida-neʼe? [Hein ba resposta.] Haree toʼok buat neʼebé Jesus fiar neʼebé sei halakon terus hotu iha mundu. [Lee Mateus 6:10.] Livru neʼe sei esplika tansá mak Jesus la halo mudansa iha buat polítiku nian, maibé hakaʼas an atu troka ema nia laran.” Hatudu informasaun neʼebé komesa iha pájina 10.

Livru Haklaken Jullu–Setembru

“Ema barak sente katak batizmu importante ba ema nia fiar. Ema seluk sente katak toʼo ona atu iha fiar ba Maromak. Tuir Ita-nia hanoin, batizmu importante ka lae? [Hein ba resposta.] Diʼak atu lee buat neʼebé Bíblia hatete kona-ba neʼe. [Lee Apostolu 8:12.] Informasaun neʼe ajuda ita atu komprende tanbasá mak batizmu importante ba ema kristaun.” Hatudu informasaun neʼebé komesa iha pájina 16