Ezemplu oinsá atu haklaken ba ema

Iha neʼebé mak ita bele hetan resposta ba pergunta sira kona-ba moris?

Fó tratu neʼe ba uma-naʼin no hatudu pergunta iha oin, hodi dehan: “Ami halo kampaña espesiál hodi fahe tratu neʼe atu hatoʼo liafuan importante iha mundu tomak. Ami fó ba Ita-boot atu lee.”

Se uma-naʼin la iha, ita bele husik tratu ida iha fatin neʼebé diʼak no fasil ba uma-naʼin atu hetan. Hikar tratu dala ida deʼit.

Se uma-naʼin hatudu interese ka hakarak koʼalia tan ho Ita, Ita bele husu ninia hanoin kona-ba pergunta iha tratu nia oin. Loke tratu no hatudu liafuan husi Salmo (Mazmur) 119:144, 160. Esplika katak tratu neʼe iha informasaun kona-ba ita-nia sítiu jw.org, neʼebé sei ajuda ema atu bele hetan resposta husi Bíblia ba pergunta oioin. Ita mós bele hatudu vídeo Tanbasá Estuda Bíblia? Ikusliu, hatudu pergunta tolu neʼebé hakerek iha pájina ikus no husu ida-neʼebé mak nia hakarak hatene. Promete ba nia atu vizita fali hodi hatudu oinsá mak nia bele hetan resposta husi Bíblia liuhusi jw.org/tdt. Kuandu vizita fali, hatudu oinsá atu hetan resposta ba pergunta neʼebé nia hili hodi loke LIVRU SIRA > LIVRU & BROXURA SIRA.

Se ita mós fahe daudauk ho konvite ba reuniaun boot, fó konvite neʼe ho tratu ba uma-naʼin hodi dehan: “Liután neʼe, ami mós fahe konvite kona-ba reuniaun boot neʼebé ita bele asiste.”

Livru Haklaken Jullu–Setembru

Iha findesemana, se bele, fahe Livru Haklaken hodi hatete: “Ami mós fahe ami-nia livru foun kona-ba ‘Maromak gosta haree ema fuma ka lae?’”

Matan-moris bá! Jullu–Setembru

Iha findesemana, se bele, fahe Matan-moris bá! hodi hatete: “Ami mós fahe ami-nia livru foun neʼe, neʼebé esplika kona-ba ‘Belun neʼebé loos mak oinsá?’”