Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Novembru

“Haree toʼok pergunta kapás ida-neʼe. [Lee pergunta segundu iha pájina ikus husi Livru Haklaken Outubru–Dezembru.] Tuir Ita-boot nia hanoin, oinsá? [Lee parágrafu sira neʼebé liga ho pergunta neʼe no lee eskritura ida ka balu.] Haʼu bele mai fali atu koʼalia kona-ba oinsá mak ita bele aprende liután kona-ba Maromak nia Reinu?”

Livru Haklaken Outubru–Dezembru

“Ita-Boot hakarak hatene saida mak liafuan diʼak kona-ba Maromak nia Reinu neʼebé Jesus sempre koʼalia? [Hein ba resposta.] Bíblia esplika katak ida-neʼe mak mensajen importante neʼebé Jesus haklaken. [Lee Mateus 9:35.] Informasaun iha pájina 4 ho títulu ‘Maromak nia Reinu–Tansá mak ida-neʼe importante ba Jesus?’ esplika bensaun sira neʼebé Maromak nia Reinu sei lori ba ita iha futuru. Livru neʼe ba Ita-Boot.”

Matan-moris bá! Outubru–Dezembru

“Ohin ami koʼalia kona-ba problema ida neʼebé kona ema iha mundu tomak. [Hatudu informasaun iha pájina 7, ‘Notísias husi rai oioin’ kona-ba violénsia kontra feto sira.] Tuir Ita-Boot nia hanoin, matadalan husi eskritura neʼe bele ajuda família sira kona-ba problema neʼe ka lae? [Lee 1 Korinto 13:4. Hein ba resposta.] Ema barak sente katak Bíblia ajuda ona sira atu troka sira-nia moris. Livru neʼe konta ezemplu balu kona-ba ema balu neʼebé Bíblia ajuda iha sira-nia moris.” Hatudu informasaun neʼebé komesa iha pájina 3.