Aumenta ita-nia matenek iha serbisu haklaken—Fahe revista sira ba ema neʼebé ita vizita fulan-fulan

Tanbasá importante: Iha ema barak mak gosta lee ita-nia revista sira maibé lakohi estuda Bíblia ho ita. Karik sira kontente hela ho sira-nia relijiaun ka tanba sira sente la iha tempu deʼit atu estuda. Maski nuneʼe mós diʼak, se sira lee beibeik revista sira, karik neʼe bele haburas sira-nia hakarak ba Maromak nia Liafuan. (1 Pedro 2:2) Karik loron ida informasaun ida bele kona sira-nia laran, ka mudansa ruma akontese ba sira-nia moris. Uza tempu badak ba vizita beibeik sira bele halo sira toman ho ita no bele mós ajuda ita hatene kona-ba sira-nia situasaun. Ikusmai, karik sira hakarak estuda ona Bíblia ho ita.

Oinsá atu halo ida-neʼe:

• Fulan-fulan, halo planu atu lori Livru Haklaken ho Matan-moris bá! ba sira. Karik ita mós bele hili loron ida atu ba vizita sira hodi koʼalia uitoan kona-ba pontu balu husi revista neʼebé ita fó tiha ona ba sira ka livru neʼebé ita uza daudauk iha fulan neʼe. Hakerek buat neʼebé ita halo ona.—Haree Ita-nia Serbisu Kristaun husi fulan-Janeiru 2014, p. 3.

• Bainhira atu vizita, prepara didiʼak. La bele fó deʼit revista, tuirmai fila ona. Diʼak atu koʼalia uitoan ho uma-naʼin no koko haburas relasaun diʼak ida ho nia hodi ita bele hatene oinsá atu ajuda nia.

• Buka oportunidade atu hahú estuda. Se ema neʼe husu pergunta ida kona-ba Bíblia, lori livru neʼebé ita uza ba estuda ho ema hodi fó resposta ka koʼalia hamutuk kona-ba tópiku neʼe. Antes atu fila, rai hela pergunta seluk kona-ba buat neʼebé nia husu hodi ita fila, bele koʼalia hamutuk fali. Se ita uza livru ida hodi koʼalia kona-ba tópiku ida-idak, maski ita koʼalia badak deʼit maibé koʼalia beibeik ho nia, ita bele sura nuʼudar estudu ida. Ita fó ona broxura Liafuan Diʼak no hatudu oinsá estuda Bíblia ho uma-naʼin ka lae? Ita hatudu ona vídeo kona-ba Tanbasá Estuda Bíblia? ka vídeo Oinsá mak ami halaʼo estuda Bíblia ho ema? ba uma-naʼin ka lae? Maski ema foufoun lakohi estuda, maibé situasaun bele troka. Diʼak atu koko beibeik, loos ka lae?

Koko ida-neʼe durante fulan neʼe:

• Halo lista ida sé-sé deʼit Ita atu lori revista fulan-fulan ba sira. Lori revista foun ba sira, depois, fó-hatene katak Ita sei lori tan revista foun.