“Liafuan sira-neʼe . . . tenkesér rai iha imi-nia laran”

Inan-aman sira bele kompara hanesan bibi-atan. Sira iha knaar atu tau matan didiʼak ba oan sira tanba fasil ba sira atu laʼo sees no monu ba perigu. (Provérbios [Amsal] 27:23) Oinsá mak inan-aman sira bele kaer didiʼak sira-nia knaar neʼe? Sira presiza uza tempu loroloron atu koʼalia ho sira tanba hanesan neʼe inan-aman bele hatene saida mak iha oan sira-nia laran. (Provérbios [Amsal] 20:5) Depois, inan-aman sira presiza ajuda oan atu haburas sira-nia fiar. (1 Korinto 3:10-15) Vídeo “Perkataan Ini . . . Harus Ada di Dalam Hatimu” sei hatudu tanbasá mak halaʼo adorasaun família nian semana-semana mak importante. Haree toʼok vídeo neʼe hamutuk ita-nia família no koʼalia hamutuk pergunta sira tuirmai neʼe.

(1) Saida mak halo irmaun Thomas nia família la tau fokus ba sira-nia adorasaun? (2) Tanbasá mak irmaun Thomas foufoun la konsege halaʼo Adorasaun Família nian? (3) Hodi tuir matadalan saida husi Bíblia mak inan-aman sira bele haboot sira-nia oan hodi hadomi Jeová? (Deuteronômio [Ulangan] 6:6, 7) (4) Oinsá mak ema hotu iha família laran bele koʼalia nakloke ba malu? (5) Saida mak oan sira presiza husi inan-aman? (6) Oinsá mak irmaun no irmán Barrow ajuda irmaun Thomas nia família? (Provérbios [Amsal] 27:17) (7) Saida mak família nia ulun tenke prepara nanis atu halo hodi adorasaun família nian bele laʼo ho susesu? (8) Saida mak irmaun Thomas halo atu hadiʼa ninia família nia situasaun? (9) Tanbasá importante atu la falta halaʼo adorasaun nian semana-semana? (Éfeso 6:4) (10) Saida mak sujestaun balu atu halo ba adorasaun família nian? (11) Oinsá mak irmaun Thomas hatudu kalma maibé kaer metin ba ninia desizaun bainhira ajuda Marcus atu halo buat neʼebé loos? (Jeremias [Yeremia] 17:9) (12) Saida mak irmaun Thomas no ninia feen koʼalia ba Rebecca atu ajuda nia foti desizaun neʼebé loos kona-ba Justin? (Marcos 12:30; 2 Timóteo 2:22) (13) Oinsá mak irmaun Thomas no ninia feen hatudu katak sira iha fiar hodi halo mudansa iha sira-nia moris? (Mateus 6:33) (14) Oinsá mak vídeo neʼe hatudu katak importante tebes ba família nia ulun atu tau matan ba ninia família nia relasaun ho Jeová? (1 Timóteo 5:8) (15) Nuʼudar família nia ulun, Ita hakarak atu halo saida?

MENSAJEN BA FAMÍLIA NIA ULUN SIRA: Drama neʼe uluk hatudu iha reuniaun boot ba loron tolu iha tinan 2011. Iha tempu neʼebá, Ita nota duni katak ita presiza atu hadiʼa Ita-nia adorasaun família nian ka lae? Oinsá ho agora? Se presiza nafatin halo mudansa ruma, la bele demora. Halo agora atu Ita-nia família bele hetan bensaun rohan-laek nian.—Éfeso 5:15-17.