Presiza prepara atu bele hanorin ho matenek

Ema husu Jesus dala rua kona-ba moris rohan-laek, maibé iha situasaun ida-idak Jesus fó resposta tuir ema neʼebé husu pergunta nia presiza. (Lucas 10:25-28; 18:18-20) Tan neʼe, maski ita hatene didiʼak ona livru neʼebé ita uza ba estuda Bíblia ho ema, ita tenkesér prepara nafatin, ita tenke hanoin kona-ba estudante ida-idak nia presiza. Hanoin kona-ba saida mak nia sente susar atu simu ka atu komprende. Eskritura saida mak ita presiza lee ba nia? Parágrafu hira mak ita presiza estuda ho nia? Karik ita mós presiza prepara atu uza ai-knanoik saida, oinsá atu esplika, ka pergunta saida deʼit mak ita hakarak husu ba nia hodi ajuda nia komprende liután informasaun neʼebé ita atu estuda ho nia. No tanba Jeová mak ida neʼebé halo fini lia-loos moris iha ema nia laran, tan neʼe ita tenke husu nia atu fó bensaun ba ita-nia preparasaun, ba ita-nia estudante, no ba ita-nia hakaʼas-an atu ajuda estudante ida laʼo ba oin iha lia-loos.—1 Korinto 3:6; Tiago 1:5.