Aumenta ita-nia matenek iha serbisu haklaken​—Uza vídeo sira atu hanorin ema

TANBASÁ IMPORTANTE:

Vídeo sira bele book ema nia laran, tanba sira bele hetan informasaun liuhusi sira-nia matan no tilun. Neʼe ajuda ema atu tau fokus no hanoin-hetan fali buat neʼebé sira aprende. Jeová mós uza buat neʼebé matan haree atu hanorin ema, hodi nuneʼe nia fó ona ezemplu diʼak tebes mai ita.—Aps 10:9-16; Apk 1:1.

Vídeo Maromak iha naran ka lae?, Bíblia mai husi sé? no Tansá bele fiar katak Bíblia laʼós inventa deʼit ajuda ema aprende lisaun 2 no lisaun 3 husi broxura Liafuan Diʼak. Vídeo sira Tanbasá Estuda Bíblia?, Oinsá mak ami halaʼo estuda Bíblia ho ema? no Oinsá mak ami halaʼo reuniaun sira? bele book ema atu hakarak estuda Bíblia ho ita ka atu tuir ita-nia reuniaun sira. Ita mós iha vídeo naruk balu neʼebé bele uza atu hanorin estudante Bíblia sira.—km 5/13 p. 3.

OINSÁ ATU HALO IDA-NEʼE:

• Download nanis vídeo neʼebé ita hakarak atu hatudu ba ema

• Prepara pergunta ida ka rua neʼebé iha resposta iha vídeo laran

• Haree vídeo hamutuk

• Koʼalia ba malu kona-ba pontu importante sira

KOKO TOʼOK:

• Hatudu pájina ikus husi ita-nia tratu sira, no koʼalia kona-ba scan kode neʼebé lori ba vídeo Tanbasá Estuda Bíblia?

• Hatudu vídeo Tansá bele fiar katak Bíblia laʼós inventa deʼit, tuirmai fahe broxura Liafuan Diʼak hodi hatudu lisaun 3