Ita uza didiʼak ona kartaun kontaktu JW.ORG ka lae?

Ita-nia serbisu haklaken mak urjente tebes tanba tempu terus boot nian besik ona. (Prv 24:11, 12, 20) Atu ajuda ema, ita bele uza ita-nia kartaun kontaktu atu dada sira-nia atensaun ba Bíblia no ba ita-nia sítiu. Kartaun neʼe iha kode neʼebé ema bele scan hodi loke vídeo Tanbasá estuda Bíblia? no konvida mós sira atu estuda Bíblia ho ita, ka husu informasaun liután. Ema balu lakohi simu ita-nia livru maibé hakarak deʼit atu loke ita-nia sítiu. Tan neʼe, bele fó deʼit kartaun ida ba sira. Maibé keta fó ba ema neʼebé la interese.

Se ita hasoru ema bainhira halaʼo hela ita-nia atividade loroloron nian, ita bele dehan: “Haʼu iha buat ruma atu fó ba Ita. Kartaun neʼe hatudu sítiu ida neʼebé iha informasaun no vídeo gratis kona-ba tópiku oioin.” (Jo 4:7) Tanba kartaun sira-neʼe kiʼik deʼit, ita bele lori balu atu fahe ba ema iha situasaun hotu.