Aumenta ita-nia matenek iha serbisu haklaken​—Oinsá atu uza JW.ORG

TANBASÁ IMPORTANTE: Publikasaun hotu husi Ekipamentu hanorin nian hakerek ita-nia sítiu jw.org. No mós objetivu ba kartaun kontaktu no tratu Iha neʼebé mak ita bele hetan resposta ba pergunta sira kona-ba moris? mak atu lori ema ba ita-nia sítiu. Ita bele fahe publikasaun ida husi Ekipamentu hanorin nian, hodi uza jw.org atu haruka e-mail ka link ba sira. Dalan neʼe diʼak tebes, liuliu se ita hasoru ema neʼebé koʼalia língua seluk. Ita-nia sítiu mós diʼak tanba dala ruma, resposta ba pergunta neʼebé ema husu, bele hetan husi livru neʼebé la inklui iha Ekipamentu hanorin nian. Se ita hatene oinsá atu uza didiʼak ita-nia sítiu, ita bele hetan rezultadu diʼak husi ita-nia haklaken.

OINSÁ ATU HALO IDA-NEʼE:

• 

  Uza parte “BÍBLIA NIA HANORIN”. Se Ita mak haklaken ba inan-aman ida neʼebé hakarak hatene liután oinsá atu haboot oan, klik iha BÍBLIA NIA HANORIN > MORIS KABEN NIAN & FAMÍLIA.

• Uza parte “LIVRU & VÍDEO”. Se Ita mak haklaken iha eskola no Ita hakarak fahe informasaun ba kolega eskola husi broxura Resposta ba pergunta 10 neʼebé joven sira husu, klik iha LIVRU & VÍDEO > LIVRU & BROXURA SIRA.

• Uza parte “KONA-BA AMI”. Se Ita mak haklaken ba kolega serbisu neʼebé hakarak hatene kona-ba ita-nia fiar, klik iha KONA-BA AMI > PERGUNTA SIRA NEʼEBÉ BAIBAIN EMA HUSU.

HAREE VÍDEO OINSÁ ATU UZA JW.ORG, NO TUIRMAI BUKA TOʼOK HUSI ITA-NIA SÍTIU IHA NEʼEBÉ MAK ITA BELE HETAN INFORMASAUN ATU AJUDA:

• ema neʼebé la fiar Maromak

• ema neʼebé foin hasoru susar ruma

• irmaun ka irmán neʼebé la ativu ona

• vizita fali neʼebé husu kona-ba ita hetan apoiu husi neʼebé ba ita-nia serbisu haklaken

• estranjeiru neʼebé hakarak hatene oinsá mak nia bele tuir reuniaun iha ninia rai rasik