Lalehan foun no rai foun sei halo ema haksolok

Iha Isaías kapítulu 65, Jeová hatete katak ninia promesa atu hadiʼa fali buat hotu sei kumpre tuir ninia hakarak.

Jeová kria lalehan foun no rai foun neʼebé ema sei la hanoin-hetan tan buat uluk nian

65:17

Lalehan foun mak saida?

• Neʼe mak governu foun ida neʼebé sei lori justisa ba mundu tomak

• Governu neʼe harii ona iha tinan 1914 bainhira Jesus tuur iha kadunan nuʼudar Liurai ba Maromak nia Ukun

Saida mak rai foun?

• Neʼe mak ema husi nasaun, língua, no rasa oioin iha mundu neʼebé hakruʼuk ba governu foun iha lalehan neʼe

Oinsá mak ita bele dehan katak ema sei la hanoin-hetan tan buat uluk nian?

• Neʼe katak terus oioin neʼebé hamosu memória aat sei la iha tan

• Ema neʼebé laran-metin sei haksolok ho moris neʼebé kontente no loron ida-idak sira sei rai memória neʼebé furak