Fó laran-manas ba irmaun ka irmán neʼebé la ativu ona

Tinan-tinan, iha irmaun-irmán barak neʼebé la ativu ona mak tuir Memoriál. Sira mós tama ona halai-taru ba moris nian, maibé tanba razaun oioin sira komesa halai neineik fali. Broxura Kembalilah kepada Yehuwa temi razaun balu tanbasá irmaun-irmán balu sai la ativu ona. (Ebr 12:1) Maski la ativu ona, sira nafatin iha folin-boot ba Jeová, tanba nia sosa ona sira ho ninia Oan-Mane nia raan. (Aps 20:28; 1Pe 1:18, 19) Ita bele halo saida hodi ajuda sira fila fali ba kongregasaun?

Katuas kongregasaun hakaʼas an hodi buka no ajuda irmaun-irmán sira neʼebé la ativu ona hanesan bibi-atan buka bibi neʼebé laʼo lakon. (Lc 15:4-7) Neʼe haleno Jeová nia domin. (Jer 23:3, 4) Ita hotu bele fó laran-manas ba sira, laʼós katuas deʼit. Ita-nia hakaʼas-an atu hatudu laran-diʼak ba ema neʼebé la ativu sei halo kontente Jeová no mós ita rasik. (Prv 19:17; Aps 20:35) Tan neʼe, buka-hatene toʼok sé mak presiza atu hetan laran-manas, no fó kedas ajuda ba sira!

HAREE VÍDEO AJUDA ITA-NIA MALUK SIRA NEʼEBÉ LA ATIVU ONA, DEPOIS, HATÁN BA PERGUNTA SIRA TUIRMAI NEʼE:

• Abi deside atu halo saida bainhira nia hasoru Testemuña ida neʼebé nia seidauk koñese?

• Tanbasá mak ita presiza fó-hatene ba katuas sira se ita planu atu fó ajuda ba ema neʼebé la ativu ona?

• Abi prepara atu halo saida bainhira nia atu vizita Laura ba dala segundu?

• Oinsá mak Abi hatudu pasiénsia, domin no la rende an lalais bainhira nia koko atu ajuda Laura?

• Ita bele aprende saida husi Jesus nia ai-knanoik neʼebé temi iha Lucas 15:8-10?

• Tanba ema hotu koko atu ajuda Laura, neʼe lori rezultadu saida?