Oinsá Ita hafolin Maromak nia Liafuan?

Maromak Jeová mak Autór ba Bíblia, no ita bele hetan ninia hanoin no liafuan sira iha livru sagradu neʼe nia laran. (2Pe 1:20, 21) Hodi esplika kona-ba Maromak nia direitu atu ukun liuhusi ninia Governu, Bíblia fó esperansa ba ita kona-ba futuru. Iha Bíblia ita mós bele lee kona-ba ita-nia Aman lalehan nia hahalok sira neʼebé nakonu ho domin.—Sal 86:15.

Ita ida-idak hafolin Jeová nia Liafuan tanba razaun oioin. Maibé ita hatudu katak ita hafolin prezente espesiál neʼe hodi lee loroloron no aplika iha ita-nia moris ka lae? Liuhusi ita-nia hahalok, mai ita hatudu katak ita iha hanoin hanesan ema neʼebé hakerek salmo ida, neʼebé dehan: “Oh haʼu hadomi tebes Ita-nia ukun-fuan”.—Sal 119:97.

HAREE VÍDEO SIRA HAFOLIN BÍBLIA—VÍDEO BADAK (WILLIAM TYNDALE), DEPOIS HATÁN BA PERGUNTA SIRA TUIRMAI NEʼE:

• 

  Tanbasá mak William Tyndale tradús parte balu husi Bíblia?

• Tanbasá mak ita gaba ninia hakaʼas an atu tradús Bíblia?

• Oinsá mak ema hatama subasubar Tyndale nia Bíblia iha Inglaterra?

• Oinsá mak ita ida-idak bele hatudu katak ita hafolin Maromak nia Liafuan?