“Mundu tomak iha língua ida deʼit”

11:1-4, 6-9

Iha Babel, Jeová haketak ema kontradór sira-nia língua no halo ema namkari ba rai oioin. Ohin loron, Jeová halibur ema-lubun boot husi nasaun no língua hotu, no fó ba sira “língua neʼebé moos” atu sira bele “bolu Jeová nia naran, hodi adora nia ho unidade”. (Sof 3:9; Apk 7:9) “Língua neʼebé moos” mak lia-loos kona-ba Jeová no ninia hakarak neʼebé temi iha Bíblia.

Aprende língua foun laʼós deʼit kona-ba dekór liafuan sira. Presiza mós komesa hanoin iha dalan foun. Hanesan neʼe mós, bainhira ita aprende língua lia-loos nian, ita hafoun ita-nia hanoin. (Rom 12:2) Prosesu neʼe laʼós dala ida deʼit, maibé kontinua beibeik no rezultadu mak Jeová nia povu bele iha unidade.​—1Ko 1:10.