Tanbasá mak Jeová fó naran foun ba Abram no Sarai?

17:1, 3-5, 15, 16

Jeová haree Abram nuʼudar ema neʼebé iha hahalok loos iha Jeová nia oin. Bainhira Jeová esplika ho klaru liután ninia promesa ba Abram, nia fó Abram no Sarai naran neʼebé iha signifikadu kona-ba buat neʼebé sei akontese iha futuru.

Ikusmai, Abraão sai duni aman ba nasaun barak no Sara sai beiʼala ba liurai sira.

• 

  Abraão

  Aman ba ema-lubun

• 

  Sara

  Liurai nia oan-feto

Ita labele hili naran saida mak ita sei simu bainhira ita moris mai. Maibé hanesan Abraão no Sara, ita bele hetan naran diʼak liuhusi ita-nia hahalok. Husu ba Ita-nia an:

• ‘Saida mak haʼu presiza halo atu Jeová haree haʼu nuʼudar ema ho hahalok loos?’

• ‘Haʼu iha naran diʼak iha Jeová nia oin ka lae?’