Aumenta ita-nia matenek iha serbisu haklaken​—Haklaken ba ema defisiénsia matan

TANBASÁ IMPORTANTE: Ema defisiénsia matan ladún toman atu koʼalia ho ema oin-foun. Tan neʼe, presiza duni hakaʼas an atu haklaken ba ema sira-neʼe. Jeová iha interese no hadomi ema defisiénsia matan. (Lev 19:14) Ita bele banati-tuir Jeová nia ezemplu hodi ajuda sira atu aprende kona-ba Jeová.

OINSÁ ATU HALO IDA-NEʼE:

• “Buka” ema defisiénsia matan. (Mt 10:11) Ita hatene ema ruma neʼebé iha família ida defisiénsia matan ka lae? Iha ka lae eskola ka organizasaun ruma neʼebé ajuda ema defisiénsia matan, no ita bele fó publikasaun liuhusi sira?

• Hatudu interese. Kuandu Ita sai belun no hatudu katak Ita hanoin ema defisiénsia matan, neʼe sei ajuda nia sente fasil atu koʼalia ho Ita. Koko atu komesa koʼalia kona-ba tópiku neʼebé nia sei gosta.

• Ajuda iha dalan espirituál. Atu ajuda ema defisiénsia matan, ita-nia organizasaun halo publikasaun sira ho modelu oioin. Husu ba ema neʼe, nia gosta aprende hodi uza dalan saida. Katuas haklaken nian tenke konfirma ho irmaun neʼebé tau matan ba livru sira atu hameno publikasaun ho modelu neʼebé ema defisiénsia matan gosta.