MORIS NUʼUDAR EMA KRISTAUN
Fó hahiʼi ba Jeová hodi serbí nuʼudar pioneiru
Povu Izraél iha razaun barak atu fó hahiʼi ba Jeová. Nia lori ona sira sai husi Ejitu no salva ona sira husi Faraó nia tropa! (Éx 15:1, 2) Jeová kontinua hatudu ninia laran-diʼak ba ninia povu. Oinsá mak ita bele hatudu ita-nia agradese?—Sal 116:12.
Dalan ida mak hodi serbí nuʼudar pioneiru estra ka regulár. Ita bele halo orasaun hodi iha hakarak no kbiit atu bele foti pioneiru. (Flp 2:13) Ema barak hahú hodi foti uluk pioneiru estra. Ita bele hili atu foti pioneiru estra hodi hatama oras 30 ka 50 iha fulan-Marsu no Abríl, no durante tempu neʼebé katuas área vizita. Depois koko tiha atu serbí nuʼudar pioneiru estra, karik Ita sei hakarak atu sai nuʼudar pioneiru regulár ida. Ema balu maski serbisu tempu tomak ka ladún iha saúde neʼebé diʼak bele serbí nuʼudar pioneiru regulár. (mwb16.07 p. 8) Klaru katak Jeová merese simu ita-nia hakaʼas an hotu neʼebé ita halo atu fó hahiʼi ba nia!—1Kr 16:25.
HAREE VÍDEO BIIN-ALIN NAʼIN-TOLU IHA MONGÓLIA, DEPOIS HATÁN BA PERGUNTA SIRA TUIRMAI NEʼE:
Irmán naʼin-tolu neʼe tenke manán hasoru susar saida deʼit atu bele serbí nuʼudar pioneiru?
Bensaun saida deʼit mak sira hetan?
Oportunidade saida tan mak sira hetan tanba serbí nuʼudar pioneiru regulár?
Oinsá mak sira-nia ezemplu kona fali ema seluk?