Kuidadu atu la habelar informasaun neʼebé la loos

Informasaun bele habelar lalais liuhusi publikasaun neʼebé print, rádiu, televizaun no internét. Ema neʼebé adora “Maromak lia-loos nian” lakohi habelar informasaun falsu, maski la ho neon. (Sal 31:5; Éx 23:1) Bainhira informasaun falsu habelar ba ema seluk, neʼe bele hamosu problema. Se ita hakarak hatene informasaun ida mak loos ka lae, husu Ita-nia an:

• ‘Informasaun neʼe nia hun husi neʼebé?’ Ema neʼebé konta istória neʼe karik la hatene faktu hotu. Bainhira ema konta tutan istória ida, baibain istória neʼe troka ona, tan neʼe kuidadu se ita la hatene istória nia hun mak husi neʼebé. Ema neʼebé iha priviléjiu iha kongregasaun, ema seluk baibain tau fiar ba buat neʼebé sira hatete. Tan neʼe, sira tenke kuidadu tebes atu labele konta tutan informasaun neʼebé sira la hatene neʼe mak loos ka lae

• ‘Informasaun neʼe hafoʼer ema seluk nia naran ka lae?’ Se informasaun neʼe hafoʼer ema ka grupu ida nia naran, diʼak liu lalika konta tutan.​—Prv 18:8; Flp 4:8

• ‘Bele tau fiar ba istória neʼe ka lae?’ Kuidadu kona-ba istória sira neʼebé rona hanesan inventa demais

HAREE VÍDEO DALAN ATU HAPARA GOSIP, DEPOIS HATÁN BA PERGUNTA SIRA TUIRMAI NEʼE:

• 

  Tuir Provérbios 12:18, oinsá mak liafuan bele hakanek?

• 

  Oinsá mak Filipe 2:4 ajuda ita atu iha hanoin neʼebé loos bainhira koʼalia kona-ba ema seluk?

• 

  Saida mak ita tenke halo bainhira ema nia liafuan komesa sai negativu kona-ba ema seluk?

• 

  Antes ita koʼalia liafuan ruma kona-ba ema seluk, saida mak ita tenke husu ba ita-nia an?