Ita prepara an ba Memoriál?

Jesus nia Páskua ikus sei sai buat neʼebé iha signifikadu importante. Tanba nia besik ona atu mate, nia planu atu halaʼo Páskua hamutuk ho ninia apóstolu sira no halaʼo komemorasaun foun ida, neʼe mak Naʼi nia Han-Kalan. Tan neʼe nia haruka Pedro no João bá halo preparasaun. (Lc 22:7-13; haree dezeñu iha oin.) Neʼe fó-hanoin ita katak ita mós presiza prepara ba Memoriál iha 27 fulan-Marsu. Baibain kongregasaun sei arranja kona-ba sé mak sei hatoʼo diskursu, paun no tua-uvas, no buat seluk tan. Maibé, saida mak ita rasik bele halo atu sai prontu ba Memoriál?

Prepara Ita-nia laran. Lee no medita kona-ba programa lee Bíblia ba Memoriál nian. Bele hetan nia oráriu iha Buka-hatene Didiʼak Eskritura Loron-loron nian. Ita mós bele hetan oráriu neʼebé kompletu liu iha Apéndise B12 iha Bíblia Sagrada Tradusaun Mundu Foun. (Haree mós Moris Kristaun no Haklaken ba fulan-Abríl 2020.) Família sira bele hetan informasaun atu bele uza iha adorasaun família nian kona-ba tanbasá Jesus nia sakrifísiu mak importante hodi haree informasaun husi Indeks Publikasi Menara Pengawal ka Livru atu ajuda Testemuña ba Jeová buka informasaun.

Konvida ema seluk atu partisipa. Hakaʼas an atu fahe konvite ba Memoriál. Hanoin kona-ba sé mak Ita bele konvida, hanesan Ita-nia vizita fali, estudante Bíblia, ema neʼebé Ita koñese, no família. Katuas sira presiza buka-hatene sira neʼebé la ativu ona no konvida sira. Hanoin-hetan katak se ema ida la hela iha Ita-nia área, Ita bele buka-hatene husi website jw.org iha KONA-BA AMI, hili “Memoriál”, no buka kona-ba fatin no oras husi Memoriál neʼebé halaʼo iha ema neʼe nia área.

Saida tan mak ita bele halo hodi prepara ba Memoriál?