Ita prepara diʼak ona ka lae ba Memoriál neʼe?

Jesus hatene katak loron 13 Nisan tinan 33 mak loron ikus nia bele halibur ho ninia belun diʼak sira antes ema oho nia. Iha kalan neʼe nia sei selebra Festa Salvasaun nian ho sira no depois, nia atu halaʼo komemorasaun foun ida, bolu naran Naʼi nia Han Kalan. Tanba neʼe importante tebes, entaun presiza prepara ho didiʼak. Tan neʼe nia haruka Pedro ho João bá halo preparasaun. (Lucas 22:7-13) Komesa kedas husi tempu neʼebá mak ema kristaun tinan-tinan hakarak prepara didiʼak atu bele halaʼo Memoriál neʼe. (Lucas 22:19) Buat saida deʼit mak ita tenke prepara atu bele halaʼo Memoriál neʼebé sei halaʼo iha loron 3 Abríl?

Katuas sira halo preparasaun atu:

• Bele uza Reuniaun-Fatin ka fatin seluk ba Memoriál. Fatin sira-neʼe tuur fatin tenkesér toʼo ba ema hotu, naroman, no iha anin. Hamoos didiʼak fatin neʼe antes loron Memoriál nian.

• Hili oradór diʼak hodi hatoʼo diskursu, hili aprezentadór, no irmaun sira neʼebé atu halo orasaun ba tua no paun.

• Halo arranju didiʼak oras ba Memoriál nian se kongregasaun seluk mós atu uza fatin neʼe. Koordena didiʼak karreta nia para fatin no oras tama-sai nian.

• Hili ka organiza asistente no sira neʼebé atu pasa tua no paun ba ema.

• Halo arranju sé mak lori tua, paun, bikan, kopu, meza, no hena meza sira.

Haklaken-naʼin nia preparasaun mak:

• Atu hakaʼas an fahe konvite ba Memoriál.

• Halo lista ida atu konvida estudante Bíblia sira, família, kolega eskola, kolega serbisu, no kolega sira seluk.

• Lee no hanoin didiʼak ba eskritura sira ba Memoriál nian.

• Prontu atu simu bainaka sira.