Prontu nafatin durante loron ikus sira-neʼe nia rohan

Nuʼudar ita moris iha loron ikus sira-nia rohan, ita hatene katak susar sira sei aumenta liután. (2Ti 3:1; Mt 24:8) Bainhira hasoru dezastre, Jeová nia povu sira sempre simu matadalan iha tempu neʼebé loos. Importante tebes atu halo preparasaun agora iha dalan espirituál no mós fíziku, tanba neʼe bele salva ita-nia moris.—Lc 16:10.

• Preparasaun espirituál: Haburas toman diʼak atu lee Bíblia no estuda mesak. Aprende dalan oioin atu haklaken. Lalika pániku se Ita ketak husi irmaun-irmán sira ba tempu balu. (Isa 30:15) Buat ida nunka bele haketak Ita husi Jeová no Jesus.—od-IN p. 176 par. 15-17

• Preparasaun fíziku: Importante tebes atu iha pasta emerjénsia. No mós umakain ida-idak tenke iha hahán no bee neʼebé natoon, no mós ai-moruk, atu nuneʼe se buat ruma akontese no ita labele sai husi uma, ita iha ona buat neʼebé ita presiza.—Prv 22:3; g17.5 p. 4, 6

HAREE VÍDEO ITA PREPARA ONA BA DEZASTRE NATURAIS KA LAE? DEPOIS HATÁN BA PERGUNTA SIRA TUIRMAI:

• 

  Oinsá mak ita bele prepara iha dalan espirituál?

• 

  Tanbasá ita presiza . . .

  • komunika beibeik ho katuas sira?

  • prepara pasta emerjénsia?

  • buka-hatene dezastre hanesan saida mak bele akontese no saida mak ita bele halo?

• 

  Buat tolu saida mak ita bele halo atu ajuda sira neʼebé kona dezastre?

HUSU BA ITA-NIA AN, ‘Saida mak haʼu aprende husi pandemia COVID-19 kona-ba importante atu iha preparasaun?’