MORIS NUʼUDAR EMA KRISTAUN

Ita prepara ona ba krize ekonomia ka lae?

Ita la hakfodak bainhira akontesimentu oioin halo situasaun ekonomia la estavel iha mundu tomak. Tanbasá? Tanba ita moris iha loron ikus sira no Bíblia haruka ita atu la tau esperansa ba “rikusoin neʼebé bele mohu”. (1Ti 6:17; 2Ti 3:1) Husi Liurai Jeosafát nia ezemplu, saida mak ita aprende kona-ba prepara an ba krize ekonomia?

Bainhira Jeosafát hetan ameasa husi nasaun inimigu sira, nia tau fiar ba Jeová. (2Kr 20:9-12) Nia mós halo buat oioin atu prepara ninia nasaun hodi hametin sidade sira no tau tropa lubun iha sidade oioin. (2Kr 17:1, 2, 12, 13) Hanesan ho Jeosafát, ita mós bele tau fiar ba Jeová no halo preparasaun ba tempu susar.

SAIDA MAK ITA BELE HALO ATU PREPARA BA KRIZE EKONOMIA?

Preparasaun espirituál: Kontente ho buat neʼebé ita iha ona, no hametin ita-nia fiar katak Jeová iha kbiit atu tau matan ba ita-nia presiza loroloron nian. (Mt 6:26; 1Ti 6:8) Deside metin atu sempre halo tuir Bíblia nia matadalan bainhira buka buat neʼebé ita presiza. (Rom 2:21) Hanoin oinsá atu kontinua lee Bíblia no publikasaun sira maski la iha internét ka eletrisidade. Rai hela publikasaun balu neʼebé print ona, no se bele, download nanis publikasaun sira iha ita-nia sasán eletróniku.

Preparasaun fíziku: Hamenus ita-nia debe no sai toman atu la gasta osan ba buat neʼebé ladún presiza antes problema ekonomia mosu. (Prv 22:7) Se bele, rai hahán balu no buat báziku neʼebé presiza. Karik irmaun-irmán balu bele kuda modo atu poupa osan.

HAREE VÍDEO ITA PREPARA ONA BA DEZASTRE KA LAE?, DEPOIS HATÁN BA PERGUNTA TUIRMAI:

Foto husi vídeo “Ita prepara ona ba dezastre ka lae?” Bíblia, pasta emerjénsia no telefone, ema neʼebé serbisu konstrusaun.

Saida mak ita ida-idak bele halo atu prepara ba dezastre ruma?

Your answer

Foto husi vídeo “Ita prepara ona ba dezastre ka lae?” Irmaun-irmán sira ajuda umanitária hodi halo serbisu konstrusaun no hatún sasán sira husi trek.

Oinsá mak ita bele prepara an atu ajuda ema seluk?

Your answer