Simu Jeová nia ajuda liuhusi orasaun

Jeová mak halo fini lia-loos nian sai abut no buras iha ema nia laran. (1Ko 3:6-9) Tan neʼe, atu bele hetan susesu iha serbisu haklaken, ita tenke sadere ba Jeová atu ajuda ita no ita-nia estudante Bíblia.

Husu Jeová ajuda Ita-nia estudante atu bele tahan tentasaun no manán hasoru dezafiu oioin. (Flp 1:9, 10) Temi buat espesífiku iha Ita-nia orasaun. Husu espíritu santu atu dirije Ita-nia hanoin no hahalok. (Lc 11:13) Hanorin Ita-nia estudante kona-ba oinsá atu halo orasaun, no anima sira atu halo nuneʼe. Halo orasaun hamutuk no temi sira-nia naran iha orasaun.

HAREE VÍDEO DRAMA HETAN KSOLOK HODI HANORIN EMA SAI DIXÍPULU—SIMU JEOVÁ NIA AJUDA—ORASAUN, DEPOIS HATÁN BA PERGUNTA TUIRMAI:

• Nita hasoru dezafiu saida bainhira nia estuda ho Dalia?

• Oinsá mak 1 Korinto 3:6 ajuda Nita?

• Oinsá mak Nita hetan solusaun?