Uza pergunta

Jeová, “Maromak neʼebé kontente”, hakarak ita atu sente kontente iha ita-nia serbisu haklaken. (1Ti 1:11) Ita sei sente kontente liután se ita aumenta ita-nia matenek iha serbisu haklaken. Hodi husu pergunta bele book ema nia laran no neʼe mak dalan diʼak atu hahú koʼalia ho ema. Pergunta bele book ema atu hanoin. (Mt 22:41-45) Hodi husu pergunta no rona didiʼak, neʼe hanesan ita hatudu ba nia katak nia importante ba ita. (Tgo 1:19) Bainhira ema ida hatán ba ita-nia pergunta, neʼe ajuda ita hatene oinsá atu koʼalia ho ema neʼe.

HAREE VÍDEO DRAMA HETAN KSOLOK HODI HANORIN EMA SAI DIXÍPULU​—AUMENTA ITA-NIA MATENEK—​UZA PERGUNTA, DEPOIS HATÁN BA PERGUNTA TUIRMAI:

• 

  Hahalok diʼak saida mak Dalia hatudu?

• 

  Oinsá mak Nita uza pergunta atu hatudu interese?

• 

  Oinsá mak Nita uza pergunta atu book Dalia nia laran hodi iha interese ba liafuan diʼak?

• 

  Oinsá mak Nita uza pergunta atu book Dalia nia hanoin?